Pakka Commercial: గోపీచంద్ హీరోగా రాశికన్నా హీరోయిన్ గా తెరకెక్కిన “పక్కా కమర్షియల్”(Pakka Commercial)” రిలీజ్ వేడుక నిన్న హైదరాబాద్ లో అభిమానుల మధ్య కోలాహలంగా జరిగింది. ఈ వేడుకకు మెగాస్టార్ చిరంజీవి ముఖ్య అతిథిగా వచ్చారు. ఈ సందర్భంగా తాను ఇంటర్ చదువుతున్న సమయంలోనే గోపీచంద్ వాళ్ళ నాన్న గారు తనకు సీనియర్ అని ఒంగోలులో చదువుతున్నట్లు తెలిపారు. అప్పట్లోనే ఆయనకు నాయకత్వ లక్షణాలు ఉన్నాయని నన్ను ఎంతగానో ప్రోత్సహించారని తెలియజేశారు. ఇంకా అనేక విషయాల గురించి మాట్లాడిన చిరంజీవి సినిమా డైరెక్టర్ మారుతి పై ప్రశంసల వర్షం కురిపించారు.
- Read the latest news in Telugu from AP and Telangana’s most trusted news website.
- Follow us on facebook , Twitter , instagram and Googlenews
తనకి మారుతి ఫస్ట్ “ప్రజారాజ్యం పార్టీ”(Praja Rajyam) పెట్టిన ప్రారంభంలో తెలుసని స్పష్టం చేశారు. పార్టీ జెండా గ్రాఫికల్ డిజైన్ వర్క్ విషయంలో మారుతి పరిచయం. దాదాపు రెండు రోజులపాటు అప్పట్లో మా ఇంటిలోనే మారుతి.. పార్టీ జెండా గ్రాఫిక్ వర్క్ కి సాయపడ్డారు. అదే సమయంలో పార్టీకి సంబంధించిన పాటకి మారుతి చేసిన వర్క్ చూసి అతనిలో డైరెక్టర్ అయ్యే అవకాశాలు ఉన్నాయని ముందుగా తెలియజేశాను. ఆ టైంలో అడిగాను కూడా కానీ మారుతి నాకు అటువంటి ఆలోచన లేదని అన్నాడు. కానీ నీలో డైరెక్టర్ అయ్యే టాలెంట్ ఉంది సరిగా దృష్టి పెడితే అవుతావు. అని ఆ రోజు చెప్పాను. ఈరోజు.. డైరెక్టర్ గా మారుతి ప్రయాణం.. దినదిన అభివృద్ధి మాదిరిగా కొనసాగుతోంది అంటూ చిరంజీవి ప్రశంసించారు.
ముఖ్యంగా మారుతి దర్శకత్వం చేసిన సినిమాల్లో “ప్రేమ కథ చిత్రం”(Prema Katha Chitram) నాకు చాలా ఇష్టం. చాలాసార్లు చూశాను. ఇంకా భలే భలే మగాడివోయ్, ప్రతి రోజు పండగే సినిమాలు అన్నీ కూడా కామెడీ తరహాలో కుటుంబ నేపథ్యం లో తెలుగుదనాన్ని ఉట్టిపడేలా మారుతి పనితీరు బాగుంటుందని చెప్పుకొచ్చి.. అదే స్టేజిపై డైరెక్టర్ మారుతికి చిరంజీవి బంపర్ ఆఫర్ ఇచ్చారు. యు.వి.క్రియేషన్స్ నిర్మాత ఒక టైంలో నా దగ్గరికి వచ్చి, మీతో మారుతితో కలిసి.. సినిమా చేయాలని అనుకుంటున్నాను అని అన్నారు. స్టేజిపై చెబుతున్న కచ్చితంగా మారుతి మీతో నేను సినిమా చేస్తా. స్క్రిప్ట్ రెడీ చేసుకో అంటూ మారుతికి స్టేజీపైనే చిరంజీవి బంపర్ ఆఫర్ ఇచ్చారు. అనంతరం సినిమా సూపర్ డూపర్ హిట్ కావాలని చిరంజీవి కోరుతూ సినిమా యూనిట్ అందరికీ ఆల్ ది బెస్ట్ చెప్పారు.