Ravi Teja: ర‌వితేజ ఫ్యాన్స్‌కి బ్యాడ్ న్యూస్‌.. అర‌రే ఇలా చేశారేంటి..?

Ravi Teja: మాస్ మ‌హారాజ్ ర‌వితేజ ప్ర‌స్తుతం వ‌రుస సినిమాల‌తో ఫుల్ బిజీగా గ‌డుపుతున్న సంగ‌తి తెలిసిందే. ఈయ‌న చేతిలో ఉన్న చిత్రాల్లో `రామారావు ఆన్ డ్యూటీ` ఒక‌టి. శరత్ మండవ ద‌ర్శ‌క‌త్వం వ‌హిస్తున్న ఈ చిత్రంలో దివ్యాంశ కౌశిక్, రజిషా విజయన్ హీరోయిన్లుగా న‌టించారు. సీనియ‌ర్ హీరో తొట్టెంపూడి వేణు ఇందులో కీల‌క పాత్ర‌ను పోషించారు.

శ్రీ లక్ష్మీ వెంకటేశ్వర సినిమాస్, రవితేజ టీం వర్క్స్ బ్యాన‌ర్ల‌పై సుధాకర్‌ చెరుకూరి నిర్మించిన ఈ చిత్రానికి శ్యామ్‌ సీఎస్ స్వ‌రాలు అందిస్తున్నారు. ఇందులో ర‌వితేజ ఎం.ఆర్‌.ఓ ఆఫీస‌ర్ పాత్ర‌లో క‌నిపించ‌బోతున్నారు. ఈ యాక్ష‌న్ ఎంట‌ర్టైన‌ర్ మూవీని జూన్ 17న విడుద‌ల చేయ‌నున్నామ‌ని గ‌తంలోనే అధికారికంగా ప్ర‌క‌టించారు.

• Read the latest news from NEWSORBIT
• Follow us on facebook , Twitter , instagram and Googlenews

కానీ, తాజాగా మేక‌ర్స్ ర‌వితేజ ఫ్యాన్స్‌కి బ్యాడ్ న్యూస్ తెలిపారు. ఈ చిత్ర రిలీజ్ ను మరికొద్ది రోజులు వాయిదా వేస్తున్నట్టు ప్ర‌క‌టించారు. త్వ‌ర‌లోనే కొత్త రిలీజ్ డేట్‌ను అనౌన్స్ చేస్తామ‌ని పేర్కొన్నారు. `పోస్ట్ ప్రొడక్షన్ వర్క్స్ వల్ల జూన్ 17న విడుదల కావడం లేదు. బెస్ట్ అండ్ మాస్ అవుట్ పుట్ కోసమే ఈ నిర్ణయం తీసుకున్నాం. కొత్త విడుదల తేదీ త్వరలో వెల్లడిస్తాం` అంటూ మేక‌ర్స్‌ ట్వీట్ చేశారు.

కాగా, రామారావు ఆన్ డ్యూటీ వాయిదా పడటం ఇది రెండోసారి. తొలిత మార్చి 25న విడుదల చేయాలని అనుకున్నారు. అయితే… ఆ రోజు ‘ఆర్ఆర్ఆర్’ రావడంతో వాయిదా వేయక తప్పలేదు. తాజాగా సినిమా విడుద‌ల‌ మ‌రోసారి పోస్ట్ పోన్ అవ్వ‌డంతో.. ర‌వితేజ ఫ్యాన్స్ తీవ్రంగా నిరాశ చెందుతున్నారు.