Virat Kohli: భారత్ స్టార్ బ్యాట్స్ మ్యాన్ విరాట్ కోహ్లీ గురించి ప్రత్యేకంగా చెప్పనవసరం లేదు. ఒకప్పుడు సచిన్ ఆడినా రీతిలో ప్రస్తుతం టీమిండియాలో ఆ స్థాయిలో బ్యాటింగ్ ఆడుతూ ఇండియా టీం గెలవడంలో చాలా సందర్భాలలో కీలక పాత్ర పోషిస్తున్నాడు. విరాట్ కోహ్లీ ఆట తీరు అంతర్జాతీయ స్థాయిలో సంచలనం అని చెప్పవచ్చు. స్వదేశంలో అయినా విదేశాలలో అయినా ప్రత్యర్థి బౌలర్ లను చిత్తు చేయటంలో విరాట్ స్టైలే వేరు. ఎలాంటి బౌలర్ ని అయినా చాలా సమర్థవంతంగా ఎదుర్కొంటూ.. బాల్ నీ బౌండరీలు తలరిస్తూ ఉంటాడు. టీమిండియాలో సచిన్ తరువాత అనేక రికార్డులు విరాట్ కోహ్లీ పేరిట ఉన్నాయి.
అంతర్జాతీయ స్థాయిలో కూడా విరాట్ కోహ్లీ టాప్ మోస్ట్ బ్యాట్స్ మ్యాన్ జాబితాలలో తన రికార్డులను పదిలం చేసుకున్నాడు. కొన్నాళ్లపాటు ఫామ్ కోల్పోయిన విరాట్ కోహ్లీ ఈ ఏడాది స్టార్టింగ్ లో పుంజుకోవటం జరిగింది. ప్రస్తుతం స్వదేశంలో జరుగుతున్న వన్డే వరల్డ్ కప్ టోర్నీలో అద్భుతమైన బ్యాటింగ్ చేస్తూ జట్టును గెలిపించడంలో కీలకపాత్ర పోషిస్తున్నాడు. ఇదిలా ఉంటే సెంచరీల విషయంలో ఒక్క అడుగు దూరంలో సచిన్ రికార్డ్ బ్రేక్ చేయాలని విరాట్ మంచి ఊపు మీద ఉన్నారు. సచిన్ తన కెరీర్ మొత్తంలో 49 వన్డే సెంచరీలు చేయడం జరిగింది. విరాట్ తన కెరీర్ మొత్తంలో 48 వన్డే సెంచరీలతో.. సచిన్ కి చేరువగా దగ్గరలో ఉన్నాడు. మొన్న ముంబై వాంఖేడ్ స్టేడియంలో శ్రీలంకతో జరిగిన మ్యాచ్ లో.. సచిన్ రికార్డును సమం చేసే అవకాశం కొద్దిలో మిస్సయింది.
మరో 12 పరుగులు చేస్తే సెంచరీ పూర్తవుతుందన్న తరుణంలో కోహ్లీ అవుట్ అయిపోయాడు. ఈ క్రమంలో నేడు నవంబర్ 5వ తారీఖు కోహ్లీ తన బర్తడే నాడు సౌతఫ్రికాతో జరగబోయే మ్యాచ్ లో రికార్డును అందుకోవాలని అధిగమించాలని అభిమానులు కోరుకుంటున్నారు. నేడు 35వ పుట్టినరోజు కోహ్లీ జరుపుకుంటున్నాడు. ఈ సందర్భంగా తన 12 ఏళ్ల అంతర్జాతీయ క్రికెట్ కెరియర్ లో చేసిన పరుగులు తనకి చాలా సంతోషాన్ని కలిగించాయని తెలిపారు. ఒకానొక సమయంలో తన కెరియర్ లో లోపాలు గుర్తించినట్లు.. కాబట్టి ఈ సుదీర్ఘ ప్రయాణం విజయవంతంగా జరిగిందని ఇంట్రెస్టింగ్ కామెంట్స్ చేశారు.