కొన్ని మీడియా చానెళ్లు, పత్రికలు తమ వార్తా కథనాలతో అనేక సార్లు ప్రజాగ్రహానికి గురవుతుంటాయి. ఛీ కొట్టించుకుంటాయి. పత్రికల్లో ఆంధ్రజ్యోతి ఎక్కువగా ఈ కోవకు చెందుతుండగా, ఛానెళ్లలో టివి 9 ఇదే కోవకు చెందుతుంది. తాజాగా ఈ ఛానెల్ ఒక బ్లండర్ తప్పుడు వార్తని ప్రసారం చేసి అడ్డంగా దొరికేసింది. సోషల్ మీడియాలో ఇప్పుడు టివి 9 ని ఆడుకుంటున్నారు, తిట్టుకుంటున్నారు. ఇవన్నీ ఆ ఛానెల్ కు సహజమే అయినా ఈ పొరపాటు కారణంగా చెరిగిపోలేని మచ్చ వేసుకుంది. ఏమయ్యిందో? ఆ ఛానెల్ చేసిన పొరపాటు ఏమిటో? తప్పుడు వార్తా ఏమిటో చూద్దాం రండి.
ఏడాది కిందట జరిగినది తాజాగా జరిగినట్టు…!
ప్రకాశం జిల్లా ఒంగోలు సమీపంలో భగీరథ కెమికల్స్ అని ఒక రసాయన ఫ్యాక్టరీ ఉంది. అక్కడి రసాయనాలు నీటిలో కలిసిన కారణంగా స్థానికులు ఆ నీటిని తగలేక ఇబ్బందులు పడుతున్నారు. ఏడాది కిందట ఆ గ్రామస్థులు అందరూ కలెక్టరేట్ వద్ద ధర్నా చేసారు. ఆందోళనలు చేసారు. నీళ్ల బాటిళ్లు తెచ్చి కలెక్టర్ కి చూపించారు. కలెక్టర్ ఒక కమిటీ వేశారు. ఆ నీటిని శుద్ధి చేసేలా వేరే బోరు ఏర్పాటు చేసారు. ఆ సమస్య పరిష్కారం జరిగిపోయింది. ఇప్పుడు టివి 9 లో ఈ ఆందోళన , ధర్నాలు మొన్న జరిగినట్టు వార్తా ప్రసారం చేశారు. విశాఖలో జరిగిన ఘటన కారణంగా ఒంగోలులో కూడా స్థానికులు ధర్నా చేశారు అంటూ ఇస్మార్ట్ న్యూస్ లో ప్రసారం చేసారు. అసలు జరగని దాన్ని, ఎప్పుడో ఏడాది కిందట జరిగిన అంశాన్ని తాజాగా జరిగినట్టు, విశాఖ ప్రమాదంతో ముడి పెట్టడాన్ని ఒంగోలు, ప్రకాశం జిల్లా వాసులు గుర్తించారు. ఈ ఛానెల్ కి ఏమి లేదు, అంటూ ఛీ కొట్టుకుంటున్నారు.
ఎందుకో అంత యావ…!
సాధారణంగా వార్త పత్రికలు, చానెళ్లు సంచలనాల కోసం చూస్తుంటాయి. అందరి కంటే తామే ప్రత్యేకంగా ఉండాలి, ముందు ఉండాలి అనే యావతో కనీస స్పృహ కోల్పోయి, ఇంగితం మర్చిపోయి ఒక్కోసారి వార్తలు ప్రసారం చేస్తుంటాయి. ఆ క్రమంలోనే ఇటువంటి బ్లండర్ చేస్తుంటాయి. “నిజానికి ఒంగోలులో ఆ ఫ్యాక్టరీ వలన ఇబ్బందులను ప్రసారం చేయాలి అంటే వేరే మార్గం ఉంది. ఇబ్బందులను స్థానికుల చేత చెప్పించి, ఇలా రసాయన ఫ్యాక్టరీ అని ఇవ్వవచ్చు. కానీ అలా కాకుండా విశాఖ ఘటనపై ఏడాది ముందు జరిగిన ఒక ధర్నా, ఆందోళన విడియోల్ను తాజాగా జరిగినట్టు చూపించి.., తాము అందరి కంటే ముందున్నట్టు అభాశుభాలపాలయ్యింది.” కేవలం టి ఆర్ పి ల కోసమే పని చేసే టివి 9 లో ఇటువంటి వార్తలు ఎక్కువగా వస్తుంటాయి. ఆ ఛానెల్ టి ఆర్ పి కూడా ఒక పెద్ద మాయ. అది మరో సందర్భంలో చెప్పుకుందాం.
Vijayawada TDP: కేశినేని నాని Vs టీడీపీ కోవర్టులు ..! కృష్ణాజిల్లాలో టీడీపీ బ్లాస్టింగ్..!