SuperStarKrishna: ఒకప్పుడు దేశంలోనే దక్షిణాది సినిమా రంగంలో టాలీవుడ్ కి పెద్దగా గుర్తింపు ఉండేది కాదు. ప్రపంచవ్యాప్తంగా ఇండియన్ ఫిలిం ఇండస్ట్రీ గురించి మాట్లాడుకోవాల్సి వస్తే బాలీవుడ్ గురించి మాట్లాడుకునేవారు. కానీ ఇప్పుడు ఇండియన్ ఫిలిం ఇండస్ట్రీ అంటే మొదటిగా తెలుగు సినిమాల గురించి మాట్లాడుకుంటున్నారు. ఇటీవల బాహుబలి, RRR, పుష్ప సినిమాలు సృష్టించిన రికార్డులు దాటికి ప్రపంచ వ్యాప్తంగా టాలీవుడ్ గిరాకీ పెరిగింది. వరల్డ్ వైడ్ గా ఓ వెలుగు వెలుగుతున్న తెలుగు చలనచిత్ర సీమలో… మొదటిగా అనేక సంచలనాలకు ఆద్యం పోసింది సూపర్ స్టార్ కృష్ణ అని చెప్పటంలో ఎటువంటి సందేహం లేదు.
అప్పట్లో సూపర్ స్టార్ కృష్ణ సాహసాలే.. ఈనాటి టాలీవుడ్ ఇండస్ట్రీ కీర్తి కిరీటాలు. ఆయనే తెలుగు ఫిలిం ఇండస్ట్రీకి కలర్ సినిమా పరిచయం చేయడం జరిగింది. నటుడిగా, దర్శకుడిగా, నిర్మాతగా మాత్రమే కాకుండా తెలుగు సినిమా ఇండస్ట్రీకి సరికొత్త టెక్నాలజీ పరిచయం చేయటంలో కూడా ప్రముఖ పాత్ర పోషించారు. టెక్నికల్ గా తెలుగు సినిమా ప్రతిష్ట పెంచడంలో ప్రయోగాలు చేయటంలో ఎక్కడ వెనకడుగు వేయకుండా సాహసోపేతంగా కృష్ణ అనేక సినిమాలు చేయడం జరిగింది. తెలుగులో మొదటి కౌబాయ్ మరియు జేమ్స్ బాండ్ హీరో కృష్ణ. ఆయన నటించిన తొలి చిత్రం ‘తేనెమనసులు’ ఫస్ట్‌ ఈస్ట్‌మన్‌ కలర్ సోషల్‌ చిత్రం. ఇంకా టాలీవుడ్ ఇండస్ట్రీలో.. తొలి జేమ్స్‌బాండ్‌ చిత్రం ‘గూఢచారి 116’, తొలి కౌబాయ్ చిత్రం ‘మోసగాళ్ళకు మోసగాడు’, తొలి తెలుగు సినిమా స్కోప్‌ ‘అల్లూరి సీతారామరాజు’, తొలి తెలుగు 70ఎంఎం సినిమా ‘సింహాసనం’, తొలి ఓ.ఆర్‌.డబ్ల్యు రంగుల చిత్రం ‘గూడుపుఠాణి’, తొలి ప్యూజీ రంగుల చిత్రం ‘భలే దొంగలు’, తొలి సినిమా స్కోప్‌ టెక్నో విజన్‌ చిత్రం ‘దొంగల దోపిడి’, తొలిసారి తెలుగు పాటకు జాతీయ అవార్డు అందుకున్న చిత్రం ‘అల్లూరి సీతారామరాజు’.
ప్రస్తుతం తెలుగు సినిమా రంగం స్థాయి టెక్నికల్ గా ప్రపంచవ్యాప్తంగా సత్తా చాటుతుందంటే దానికి ముఖ్య కారణం కృష్ణ అని చెప్పటంలో సందేహం లేదు. ఆయన ఎన్నో ప్రయోగాలు చేసి… తెలుగు సినిమా రంగాన్ని అన్ని రకాలుగా పైకి తీసుకురావడంలో ప్రముఖ పాత్ర పోషించారు. ఒక్కో ఏడాది దాదాపు 20 సినిమాలు చేస్తూ రోజుకి 6 షూటింగ్ లలో అప్పట్లో పాల్గొనే వారట. దీంతో కృష్ణని నిర్మాతల హీరో అని కూడా ఇందుస్త్రీలో పేరు ఉంది. ప్రపంచవ్యాప్తంగా సినిమా లవర్స్ ఈరోజు తెలుగు సినిమా రంగం గొప్పదనం ఇంకా టెక్నికల్ వాల్యూస్ గురించి మాట్లాడుకుంటుంది అంటే అప్పట్లో సూపర్ స్టార్ కృష్ణ చేసిన సాహసాలే టాలీవుడ్ కీర్తికి పునాదులు. తెలుగు సినిమా రంగాన్ని పైకి తీసుకురావడంలో.. కృష్ణ చేసిన సాహసాలు మరియు ప్రయోగాలు ఇండస్ట్రీలో మరో హీరో చేయలేదు. సమకాలిక తోటి హీరోలు తమ పాపులారిటీ క్రేజ్ గురించి.. సినిమాలు చేస్తే ఒక కృష్ణ .. మాత్రం ఇండస్ట్రీని పైకి తీసుకొచ్చే రీతిలో.. పనిచేసేవారు.
ఈ రకంగా సినిమా పరంగా చాలామంది తోటి హీరోలకు మంచి పోటీ ఇస్తూ సక్సెస్ఫుల్ కెరియర్ తో దూసుకుపోతూ కూతురు పేరిట పద్మాలయ స్టూడియో నిర్మించడం జరిగింది. కృష్ణ చలనచిత్ర రంగంలో అనేక సినిమాలు విజయం సాధించగా అల్లూరి సీతారామరాజు అతిపెద్ద విజయం సాధించింది. అప్పట్లో డేరింగ్ అండ్ డాషింగ్ హీరోగా… కృష్ణని అభివర్ణించేవాళ్లు. ఎంతటి పోటీకైనా దిగటానికి రెడీ అయ్యేవాళ్ళు. కృష్ణ చలనచిత్ర రంగంలో అనేక సినిమాలు విజయం సాధించగా “అల్లూరి సీతారామరాజు” అతిపెద్ద విజయం సాధించింది. దాదాపు కెరియర్ మొత్తంగా 350కి పైగా సినిమాలు చేసిన కృష్ణకి ప్రస్తుతం హాస్పిటల్ లో వెంటిలేటర్ పై చికిత్స అందిస్తున్నారు. ఆయన త్వరగా కోలుకోవాలని అభిమానులు భగవంతునికి ప్రార్థనలు చేస్తున్నారు.
