ఇమ్యూనిటీని పెంచి మన ఆరోగ్యాన్ని పదిలంగా కాపాడే ఫుడ్స్ చాలానే ఉన్నాయి. తీసుకునే ఫుడ్ లో కొన్ని చేర్చుకోవడం ద్వారా మాన్సూన్ టైం ని మంచి హెల్త్ తో ఎంజాయ్ చేయవచ్చు. అవేమిటో చూద్దాం.
విటమిన్ సీ ఇమ్యూనిటీ బూస్టర్ గా పని చేస్తుంది. ఎర్ర కాప్సికం, బొప్పాయి, నిమ్మకాయ, టొమాటో వంటివి విటమిన్ సీ తో సమృద్ధమైనవి. రోజులో కనీసం ఒకసారైనా వీటితో చేసిన ఫుడ్ తీసుకోవడం ద్వారా ఇమ్యూనిటీ ని స్ట్రాంగ్ గా ఉంచుకోగలుగుతాం. వానా కాలం లో మాత్రం బైట తినకూడదు. ఇంటిలోనే వేడి వేడి గా తయ్యారు చేసుకుని తినాలి.
మీకు కావాలనుకుంటే, రైస్ కి బదులుగా చిరు ధాన్యాలు తీసుకోవచ్చు. వీటి వల్ల మంచి ప్రోటీన్ అందుతుంది. అల్లం, వెల్లుల్లి, పసుపు, మిరియాలు వంటి దినుసులు ఇమ్యూన్ సిస్టం బాగా పని చేసేలా చేస్తాయి. మీ కూరల్లో, పులుసుల్లో ఇవి వేసుకోండి. లేదా వీటిని వాడి చేసే టీ తాగండి. లేదా పరగడుపున నిమ్మకాయ నీళ్ళల్లో కొంచేం అల్లం ముక్కలుగా చేసి వేసుకుని తాగండి. ఎలా వాడతారో మీ ఇష్టం. కానీ, ఇవి వాడడం మాత్రం మంచిది.
వాతావరణం కొంచెం చల్లబడగానే అందరం చేసే తప్పు ఏమిటంటే నీరు సరిగ్గా తాగకపోవడం. ఇండియా లాంటి ట్రాపికల్ కంట్రీలో నీరు ఎక్కువ తాగాలి. దాహం గా అనిపించకపోయినా తాగాలి. నీటి తో పాటూ జ్యూసులూ, మజ్జిగా, కొబ్బరి నీరూ వంటివి శరీరానికి ఎంతో మేలు చేస్తాయి. ఈ సీజన్ లో వీలున్నంత వరకూ పూర్తిగా ఉడికించిన కూరగాయలనే తీసుకోండి. పచ్చి వాటిని బాక్టీరియా పట్టుకుని ఉండే అవకాశం ఉంది. అలాగే తొక్క తీసి తినే పండ్లని ప్రిఫర్ చేయండి. అరటి పండ్లు, పుచ్చకాయ, బత్తాయిలు, లిచీ వంటివి మంచి ఆప్షన్స్.