Bananas: వివిధ రకాల పండ్లు మన ఆరోగ్యానికి ఎంతగానో ఉపయోగపడతాయి. అయితే వాటి గురించి చాలా మందికి తెలియక తేలికగా తీసి పారేస్తుంటారు. ఎక్కువ మంది ఆపిల్ పండులో ప్రోటీన్లు అధికంగా ఉంటాయని భావిస్తుంటారు. కానీ ఆపిల్ పండుతో పోలిస్తే అరటిలో నాలుగు రెట్లు అధికంగా ప్రోటీన్లు ఉంటాయి. రెండు రెట్లు ఎక్కువగా పిండి పదార్ధాలు, మూడు రెట్లు ఎక్కువగా ఫాస్పరస్, అయిదు రెట్లు విటమిన్ – ఏ, ఐరన్, రెండు రెట్లు విటమిన్లు, ఖనిజాలు ఉంటాయట. అరటి పండు విద్యార్థులకు ఎంతో మేలు చేస్తుందట, కొత్త విషయాలు నేర్చుకునే సామర్ధ్యాన్ని పెంచుతుందని పరిశోధకులు అంటున్నారు.
అరటిలోని రసాయనాలు మన మెదడుపై ప్రభావం చూపించి విశ్రాంతిని ఇస్తాయి. అరటి పండ్లలో ఉండే ట్రిప్టోఫాన్ అనే ప్రొటీన్ ను శరీరంలో సెరటోనిన్ హార్మోన్ గా మారుస్తుంది. ఈ హార్మోన్ మనలో విశ్రాంతి భావన కలుగజేస్తుంది. విధి నిర్వహణలో ఉన్నప్పుడు టైమ్ పాస్ కోసం చాక్లెట్ లు, చిప్స్ వంటివి తినే అలవాటు ఉన్న వారు అరటి పండ్లు తినడం చాలా మంచిదట. జీర్ణాశయ గోడలకు పై పూతను ఏర్పరచటం ద్వారా అమ్లాల గాఢతను, ప్రభావాన్ని కూడా తగ్గిస్తుంది. ధూమపానం మానేయ్యాలకునే వారికి ఇది ఉపయోగపడుతుంది. ఈ పండులో ఉండే బీ – 6, బీ -12, పొటాషియం, మెగ్నీషియంలు శరీరంలో నికోటిన్ తగ్గినప్పుడు తలెత్తే చెడు ప్రభావాన్ని తగ్గిస్తాయిట.