సహజం గా మనం నిద్ర పోవాలంటే ఏమున్నా లేకపోయినా ఒక్క దిండు వేసుకుని అయినా నిదుర పోవాలనుకుంటాము.. అసలు తలకింద దిండు లేకుండా నిద్రిస్తే ఏమవుతుంది? ఎప్పుడైనా ఆలోచించారా? ఎవరైనా కూడా తలకింద దిండు లేకుండా నిద్రిస్తే చాల మంచిదట. అలా చేయడం వలన ఆరోగ్యకరమైన ప్రయోజనాలు ఉన్నాయని డాక్టర్లు తెలియచేస్తున్నారు.
దిండుపై తల పెట్టి నిద్రిస్తే నే నిద్ర చక్కగా పడుతుందని చాలా మంది అనుకుంటారు. కానీ ఇందులో నిజం లేదుట . వాస్తవంగా చెప్పాలంటే అసలు దిండు లేకుండా నిద్రిస్తే నిద్ర బాగా పడుతుందని కొన్ని అధ్యయనాల ఫలితాలు చెబుతున్నాయి . దిండు లేకుండా నిద్రపోవడం వల్ల నిద్ర లేమి సమస్య దూరమవుతుంది అని పరిశోధకులు సూచిస్తున్నారు.
ప్రతి రోజు మనకి ఎదురైయే ఒత్తిడిని దూరం చేసుకోవాలంటే దిండు లేకుండా నిద్రించడం తప్పని సరి. దిండు లేకుండా పడుకోవడం అలవాటు చేసుకుంటే మానసిక ఆందోళన తగ్గి, మనస్సు ప్రశాంతంగా ఉంటుంది.
రోజూ దిండు వేసుకోకుండా నిద్రపోవడం వలన జ్ఞాపకశక్తి పెరుగుతుందని, మెదడు చురుగ్గా పనిచేసి ఉత్సాహం గా ఉంటారని సైంటిస్టుల పరిశోధనలు తెలుపుతున్నాయి.
తల కింద దిండు లేకుండా నిద్రిస్తే ముఖంపై ఉండే మచ్చలు,ముడతలు పోతాయి. తిరిగి రావడం కూడా ఉండదు. అది ఎలా అంటే దిండుపై తల పెట్టి పక్కకు తిరిగి నిద్రపోతున్నప్పుడు మన ముఖం దిండుకు ఆనుకుంటుంది. దీంతో దిండుపై ఉండే బ్యాక్టీరియా మన ముఖంపై చేరి ముడతలు, మచ్చలు వచ్చేలా చేస్తుంది. కాబట్టి దిండు లేకుండా నిద్రపోతే బాక్టీరియా చేరేందుకు అవకాశం ఉండదు కాబట్టి ముఖంపై మచ్చలు రాకుండా, ముడతలు పడకుండా కాపాడుకోవచ్చు .
వెన్ను నొప్పితో బాధపడేవారు తల కింద దిండు లేకుండా నిద్రపోవడం అలవాటు చేసుకోవాలి. దీంతో వెన్నెముకకు విశ్రాంతి కలుగుతుంది . అది తన సహజసిద్ధమైన ఆకారం లోకి వస్తుంది. అలా జరగడం వలన వెన్ను నొప్పి నుంచి ఉపశమనం పొందవచ్చు. దిండు లేకుండా నిద్రించడం వలన మెడ, భుజాల నొప్పులు కూడా తగ్గుతాయి.
Disclaimer : పైన సూచించిన ఆరోగ్య సూత్రాలు, లేదా హెల్త్ కి సంబంధించిన ఇన్ఫోర్మేషన్ ఇంటర్నెట్ నుంచి తీసుకున్నది మాత్రమే. అవన్నీ పాటించే ముందర తప్పనిసరిగా స్పెషలిస్ట్ డాక్టర్ సలహా తీసుకోండి.