Telangana : రాజకీయ నాయకులు ఎక్కడైనా ఒకటే!ఆంధ్రప్రదేశ్లోనే కాదు తెలంగాణలో కూడా రాజకీయ నాయకులు నోరు పారేసుకుంటున్నారు.
ఆంధ్రప్రదేశ్లో కాంగ్రెస్కు సీన్ లేదు కాబట్టి వారేమీ మాట్లాడకపోయినప్పటికీ తెలంగాణలో ప్రధాన ప్రతిపక్షంగా ఉన్నందున అక్కడ హస్తం నేతలు హవా చూపుతున్నారు.ఈ మధ్య తెలంగాణ కాంగ్రెస్ లీడర్స్ వివాదాస్పద వ్యాఖ్యలు చేస్తూ..వార్తల్లోకి ఎక్కుతున్నారు. ఇటీవలే పలువురు కామెంట్స్ చేయగా..తాజాగా.. సంగారెడ్డి ఎమ్మెల్యే జగ్గారెడ్డి అధికారులపై సంచలన వ్యాఖ్యలు చేశారు. శనివారం జగిత్యాల జిల్లాలో కాంగ్రెస్ నేతలు, కార్యకర్తల ముఖాముఖి సమావేశం నిర్వహించారు. ఈ కార్యక్రమానికి హాజరైన జగ్గారెడ్డి…ఇటు పోలీసు అధికారులపై అటు, ఐఏఎస్ అధికారులపై వివాదాస్పద వ్యాఖ్యలు చేయడం చర్చనీయాంశమైంది.
Telangana : అధికారుల తలలు కోసేస్తానన్న ఎమ్మెల్యే జగ్గారెడ్డి
తమ పార్టీకి సంబంధించిన కార్యకర్తలను, నేతలను అణగదొక్కే ప్రయత్నం చేస్తున్నారంటూ మండిపడ్డారు.తమ వాళ్లను వేధిస్తున్న అధికారుల పేర్లను నోట్ చేసుకుని…అధికారంలోకి వచ్చాక..వారి మెడలను వంచి తలకాయలను కోస్తామంటూ..ఘాటు వ్యాఖ్యలు చేశారాయన. కలెక్టర్లు ఐఏఎస్ హోదా విలువ తీస్తున్నారని, చప్రాసీకైనా పవర్ ఉంటుంది..కానీ…కలెక్టర్లకు ఉండదంటూ ఎద్దేవా చేశారు. అణగదొక్కే ప్రయత్నం చేస్తున్నారు…అయినా భయపడే ప్రసక్తే లేదు..కాంగ్రెస్ కార్యకర్త మీద..ఏ పోలీసు అధికారి జులుం చేసినా..వారి పేరును నోట్ చేసుకుంటామన్నారు. జగ్గారెడ్డి చేసిన వ్యాఖ్యలను అధికారులు తప్పుపడుతున్నారు.
సీఎంను కుక్కకన్నా హీనమన్న జీవన్ రెడ్డి!
సీఎం కేసీఆర్ వ్యాఖ్యలపై ఆగ్రహం వ్యక్తం చేశారు కాంగ్రెస్ ఎమ్మెల్సీ జీవన్ రెడ్డి. తెలంగాణకు కాపలా కుక్క లెక్క ఉంటానన్న కేసీఆర్ కు.. ఇప్పుడు తెలంగాణ ప్రజలే కుక్కల్లా కనిపిస్తున్నారా అని అన్నారు. జగిత్యాల పొలం బాట కార్యక్రమంలో పాల్గొన్న ఆయన..ఈ సందర్భంగా మాట్లాడారు. తెలంగాణపై చర్చ జరిగితే సభలో లేని కేసీఆర్…ఎక్కడ తాగి పన్నాడో ఆనాడాయనకే తెలియదన్నారు. ‘కుక్కలకు విశ్వాసం ఉంటది..కానీ, విశ్వాసం లేని వ్యక్తి కేసీఆర్. సీఎం పదవిని ఎవడైనా చెప్పుతో సమానం అంటాడా? చెప్పును పట్టుకుని మరింకా ఎందుకు వేలాడుతున్నావు.. ఇడిసిపెట్టొచ్చు కదా? మళ్ళీ నేనే సీఎం అంటావ్? నీ టైం అయిపొయింది. నీ ఇంట్లో ముసులం పుట్టుంది.. మొగల్ సామ్రాజ్యం మాదిరిగా నీ ఇంట్లో ఔరంగజేబు పుట్టిండు.. నీకు పదవి ఉండదు.. జాగ్రత్త’ అని జీవన్ రెడ్డి హెచ్చరించారు.
