Hero Nani: నాని బ‌ర్త్‌డే స్పెష‌ల్‌.. రేపు ఫ్యాన్స్‌కు సూప‌ర్ ట్రీట్ ఖాయం..!

Hero Nani: టాలీవుడ్ న్యాచుర‌ల్ స్టార్ నాని ఫిబ్రవరి 24న పుట్టిన రోజు జ‌రుపుకోబోతున్నారు. ఈ సంద‌ర్భంగా ఒక రోజు ముందుగానే అంటే ఫిబ్ర‌వ‌రి 23వ తేదీనే ఆయ‌న ఫ్యాన్స్‌కు ఓ సూప‌ర్ ట్రీట్ ఇచ్చేందుకు `అంటే.. సుందరానికీ` మూవీ మేక‌ర్స్‌ సిద్ధ‌మ‌య్యారు. వివేక్ ఆత్రేయ దర్శకత్వం వహించిన ఈ సినిమాలో మలయాళ ముద్దుగుమ్మ నజ్రియా నజీమ్ హీరోయిన్‏గా న‌టిస్తోంది.

ఈ చిత్రాన్ని మైత్రీ మూవీ బ్యానర్ పై నవీన్ యెర్నేని.. వై. రవిశంకర్ సంయుక్తంగా నిర్మిస్తున్నారు. న‌దియా, హ‌ర్ష‌వ‌ర్ధ‌న్‌, సుహాస్‌, రాహుల్ రామ‌కృష్ణ త‌దిత‌రులు ఇందులో కీల‌క పాత్ర‌ల‌ను పోషిస్తున్నారు. ఇటీవ‌లె షూటింగ్ కంప్లీట్ చేసుకున్న ఈ మూవీ ఏప్రిల్ 22 , ఏప్రిల్ 29, మే 6, మే 20, మే 27, జూన్ 3, జూన్ 10 తేదీలలో ఏదో ఒక రోజు రిలీజ్ కానుంది.

ఇక‌పోతే.. ఈ నెల 24న నాని పుట్టిన రోజు అయితే 23 సాయంత్రం ఈ మూవీ నుంచి అదిరిపోయే అప్డేట్ రాబోతోంది. `అంటే… మా యువ సుందరుడి పుట్టిన రోజు సందర్భంగా మేము జరుపుతున్న ఒక `బర్త్ డే హోమం` ఫిబ్రవరి 23న సా||గం 4:05 ని||ల నుండి మొదలు. అందరూ ఆహ్వానితులే` అంటూ తాజాగా మేక‌ర్స్ ట్వీట్ చేశారు.

`మీ భావాలను చక్కిలిగింతలు పెట్టేందుకు వస్తున్న యువ సుందర్ చమత్కారమైన ఛాయను చూసుకోండి` అని కూడా వెల్లడించారు. దీంతో రేపు నాని ఫ్యాన్స్ కోసం మేకర్స్ ఎలాంటి అప్ డేట్ ను వదులుతారో అన్న‌ది ఎంతో ఆస‌క్తిక‌రంగా మారింది.

అంటే… మా యువ సుందరుడి పుట్టిన రోజు సందర్భంగా మేము జరుపుతున్న ఒక 'Barthhday Homam' ఫిబ్రవరి 23న సా||గం 4:05 ని||ల నుండి మొదలు 😊

అందరూ ఆహ్వానితులే !#SundarBarthhdayBlast 💥#AnteSundaraniki @NameisNani @nazriyafahadh @vishnuviv @oddphysce @nikethbommi @saregamasouth pic.twitter.com/8Aa7IzizNp

— Mythri Movie Makers (@MythriOfficial) February 22, 2022