నాగ చైతన్య చేతిమీద వున్న టాటూకి అర్ధం ఏంటో తెలిస్తే షాక్ అవుతారు?

అక్కినేని వారసుడు నాగచైతన్య గురించి ప్రత్యేకించి ప్రస్తావన అవసరం లేదు. ఇటీవలే థాంక్యూ సినిమాతో పలకరించాడు చైతన్య. అయితే విక్రమ్ కుమార్ K దర్శకత్వంలో వచ్చిన ఈ సినిమా ఆశించిన స్థాయిలో ప్రేక్షకులను అలరించలేకపోయింది. అమీర్ ఖాన్ నటిస్తోన్న లాల్ సింగ్ చడ్డా సినిమాలో నాగచైతన్య కీలక పాత్రలో కనిపించనున్నాడు. కాగా ఈ సినిమా రేపే ప్రేక్షకుల ముందుకు రానుంది. ఈ సినిమా బోడి బాలరాజు అనే పాత్రలో నటిస్తున్నాడు. ఇప్పటికే విడుదలైన ఈ సినిమా టీజర్స్, ట్రైలర్ ప్రేక్షకుల్లో అంచనాలు పెంచేశాయి. ఇక ఈ సినిమా ప్రమోషన్స్ స్పీడ్ పెంచారు.

ఇక తాజాగా ఓ మీడియా వేదికగా నాగచైతన్య మాట్లాడుతూ.. సినిమా గురించి ఆసక్తికర విషయాలు తెలిపారు. ఈ నేపథ్యంలో తన చేతి పై ఉన్న ట్యాటూ గురించి, దాని అర్ధాన్ని చెప్పడం విశేషం. అయితే ఆ ట్యాటూ అర్ధం తన ‘పెళ్లి తేదీ’ అని తెలిపాడు చైతన్య. చే మాట్లాడుతూ.. “చాలా మంది ఇది ఏంటో అనుకుంటారు. కానీ ఇది నా పెళ్లి డేట్ ను సూచిస్తుంది” అని అన్నారు. అయితే చైతన్య , సమంత 2017లో వివాహం చేసుకున్న విషయం తెలిసిందే. ఆ తర్వాత మనస్పర్థల కారణంగా ఈ జంట 2021లో విడాకులు తీసుకున్నారు.

ఇప్పుడు ఈ టాటూ తొలగించాలని అనుకున్నారా? అని యాంకర్ ప్రశ్నించగా..”దాని గురించి నేను ఆలోచనే చేయలేదు. టాటూ మార్చడానికి ఏమీ లేదు. పర్లేదు!” అంటూ సమాధానం ఇచ్చాడు చై. సమంత – నాగ చైతన్య 2021లో విడిపోతున్నట్లు సోషల్ మీడియాలో ప్రకటించగానే ఫ్యాన్ షాక్ అయ్యారు. అప్పటివరలో టాలీవుడ్ లవబుల్ కపుల్ గా ఉన్న సామ్- చై విడిపోవడం ముఖ్యంగా అక్కినేని అభిమానులను కలచివేసింది. ఇక ఇటీవల సమంత కరణ్ జోహార్ షో కాఫీ విత్ కరణ్ సీజన్ 7 లో పాల్గొని సమంత తన వైవాహిక జీవితం గురించి ఆసక్తికర విషయాలను పంచుకున్న విషయం విదితమే.