Trivikram: మాటల మాంత్రికుడు త్రివిక్రమ్ మెగా కాంపౌండ్ లో మెగాస్టార్ చిరంజీవి, పవన్ కళ్యాణ్, బన్నీ లతో సినిమాలు చేయడం జరిగింది. కానీ ఇప్పటి వరకు మెగా పవర్ స్టార్ రామ్ చరణ్ తో మాత్రం సినిమా చేయలేదు. గతంలో పవన్ బ్యానర్ లో త్రివిక్రమ్.. చరణ్ తో సినిమా చేస్తున్నట్లు అప్పట్లో వార్తలు వచ్చాయి. కానీ తాజాగా మరో సంచలన వార్త ఇండస్ట్రీలో వైరల్ అవుతుంది. అదేమిటంటే సితార బ్యానర్ లో డైరెక్టర్ త్రివిక్రమ్… రామ్ చరణ్ తో సినిమా చేయడానికి ప్రాజెక్టు రెడీ అయినట్లు నిర్మాత సూర్యదేవర నాగ వంశీ స్పష్టం చేశారు.
సితార బ్యానర్ లో నిర్మాణమైన “డీజే టిల్లు” రిలీజ్ సందర్భంగా నిర్మాత సూర్యదేవర నాగవంశి ఇంటర్వ్యూలో మాట్లాడుతూ పవన్ కళ్యాణ్ తో “భీమ్లా నాయక్” సినిమా చేయటం ఎంతో సంతోషాన్ని కలిగించిందని తెలిపారు. సినిమా రీమేక్ అయినా కానీ త్రివిక్రమ్ చేసిన మార్పులు.. కొత్త సినిమాలు రూపొందించినట్టు గా ఉంటుందని చెప్పుకొచ్చారు. మరోసారి పవన్ కళ్యాణ్ తో చేయాలని ఉందని.. మనసులో మాట బయటపెట్టారు.
ఇదే సమయంలో రామ్ చరణ్ అంటే తనకెంతో ఇష్టమని ఇదే బ్యానర్ లో ఆయనతో సినిమా చేయాలనుకుంటున్నాను. అంతా ఓకే అయితే చరణ్ హీరోగా త్రివిక్రమ్ దర్శకత్వంలో సినిమా వస్తుందని అన్నారు. ఇదిలా ఉంటే ప్రస్తుతం త్రివిక్రమ్ మహేష్ బాబు తో సినిమా చేస్తున్నారు. మార్చి నెల నుండి.. సినిమాకి సంబంధించి రెగ్యులర్ షూటింగ్ స్టార్ట్ కానుంది. ఆ తర్వాత ఫ్యాన్ ఇండియా నేపథ్యంలో ఎన్టీఆర్ తో… మరో ప్రాజెక్టు ప్లాన్ చేస్తున్నారు. ఈ రెండు అయిన తర్వాత చరణ్ సినిమా స్టార్ట్ అయ్యే అవకాశం ఉన్నట్లు టాక్.
Baahubali: సరికొత్త కథతో ఓటీటీలోకి వచ్చేస్తున్న బాహుబలి.. రిలీజ్ డేట్ ఇదే..!