Kalki 2898 AD: ప్రభాస్ “కల్కి 2898 AD” విడుదల తేదీపై వీడియో రిలీజ్ చేసి క్లారిటీ ఇచ్చిన వైజయంతి మూవీస్..!!

Kalki 2898 AD: పాన్ ఇండియా సూపర్ స్టార్ ప్రభాస్ హీరోగా “కల్కి 2898 AD” సినిమా తెరకెక్కుతున్న సంగతి తెలిసిందే. నాగ్ అశ్విన్ దర్శకత్వంలో తెరకెక్కుతున్న ఈ చిత్రంలో ఇండియాలో మోస్ట్ లెజెండ్ నటీనటులు కమల్ హాసన్, అమితాబచ్చన్ కీలకపాత్రలు పోషిస్తున్నారు. ప్రస్తుతం ఈ సినిమాకి సంబంధించి షూటింగ్ చివరి దశలో ఉంది. సినిమా ప్రారంభించిన సమయంలో ఈ ఏడాది జనవరి 24వ తారీఖు రిలీజ్ చేస్తారని అధికారిక తేదీ ప్రకటించారు. కానీ షూటింగ్ ఆలస్యం కావడంతో మే 9వ తారీకు విడుదల చేస్తున్నట్లు స్పష్టం చేయడం జరిగింది.

ఇటీవల సినిమా మే 9వ తారీకు కూడా రిలీజ్ అయ్యే పరిస్థితి లేదని కొన్ని వార్తలు సోషల్ మీడియాలో విపరీతంగా వైరల్ అయ్యాయి. “కల్కి 2898 AD” సినిమా విడుదల వాయిదా పై వస్తున్న వార్తలకు చెక్ పెడుతూ ఈ చిత్ర నిర్మాణ సంస్థ వైజయంతి మూవీస్ చిన్నపాటి వీడియో విడుదల చేసి మే 9వ తారీకు రిలీజ్ అవుతున్నట్లు క్లారిటీ ఇవ్వటం జరిగింది. సూపర్ హీరోస్ నేపథ్యంలో తెరకెక్కుతున్న ఈ చిత్రంలో దీపికా పదుకొనే హీరోయిన్ గా నటిస్తోంది. ఈ సినిమాలో సన్నివేశాలు హాలీవుడ్ టెక్నాలజీతో కూడిన కొన్ని వేల కోట్లు ఖరీదు చేసే కెమెరాలతో చిత్రీకరించడం జరిగింది.

కచ్చితంగా “కల్కి2898AD” భారతీయ చలనచిత్ర రంగం యొక్క స్థాయిని పెంచే సినిమా అని మేకర్స్ అంటున్నారు. బాహుబలి తర్వాత వరుస పరాజయాలతో ఉన్న ప్రభాస్ సలార్ సినిమాతో విజయం అందుకోవడం జరిగింది. ఈ క్రమంలో కల్కి సినిమాపై ఫ్యాన్స్ భారీ ఆశలు పెట్టుకున్నారు. ఇప్పటివరకు టచ్ చేయని జోనర్.. పైగా చాలా పెద్ద బడ్జెట్ సినిమా కావటంతో.. కల్కి సినిమా ఫలితం విషయంలో దేశం మొత్తం ఆసక్తిగా గమనిస్తూ ఉంది. ఏప్రిల్ నెల నుండి ఈ సినిమాకి సంబంధించి ప్రమోషన్ కార్యక్రమాలు స్టార్ట్ కానున్నట్లు సమాచారం.

Just the warm up… #Prabhas #Kalki2898AD on 𝐌𝐀𝐘 𝟗𝐭𝐡, 𝟐𝟎𝟐𝟒. pic.twitter.com/3cH1O3FffV

— Vyjayanthi Movies (@VyjayanthiFilms) February 23, 2024