ఒకానొక సమయంలో టాలీవుడ్ ఇండస్ట్రీలో బ్రహ్మానందం లేనిదే సినిమా ఉండేది కాదు, సినిమా హిట్ అయ్యేది కాదు. ఫస్టాఫ్ లో హీరో హీరోయిన్ వెనకాల పడటం, సెకండాఫ్ లో హీరో విలన్ తో పోరాడుతూ ఖచ్చితంగా బ్రహ్మానందం దగ్గర కామెడీ చేసే విధంగా డైరెక్టర్లు సినిమాలు తెరకెక్కించే వాళ్ళు. ఫస్టాఫ్ ఎలా ఉన్నా కానీ చాలావరకు సెకండాఫ్ లో బ్రహ్మీ తన కామెడీతో ప్రేక్షకులను అలరిస్తూ తన పెర్ఫార్మెన్స్ తో అనేక విజయాలు టాలీవుడ్ బాక్సాఫీస్ కి అందించేవాడు. అటువంటిది గత కొంతకాలం నుండి బ్రహ్మానందం సినిమాలకు దూరం అయ్యాడు.
ఇదే సమయంలో గత ఏడాది హార్ట్ సర్జరీ అవటంతో తాజాగా ఇప్పుడు బ్రహ్మానందం పూర్తిగా సినిమాలకు రిటైర్మెంట్ అవ్వాలని డిసైడ్ అయినట్లు వార్తలు ఇండస్ట్రీలో సోషల్ మీడియాలో వైరల్ అవుతున్నయి. అయితే వస్తున్న వార్తల్లో వాస్తవం లేదని బ్రహ్మానందం సన్నిహితులు అంటున్నారట. ప్రస్తుతం కృష్ణవంశి దర్శకత్వంలో బ్రహ్మానందం ‘రంగమార్తాండ’ సినిమాలో చేస్తున్నారు. తర్వాత కూడా సినిమాలు చేస్తారు. అసలు ఇలాంటి పుకార్లు ఎవరు సృష్టిస్తున్నారు అని వార్తలు రాసిన వారి పై మండి పడుతున్నరట.
మరోపక్క ఓ ప్రముఖ టీవీ ఛానల్ లో బ్రహ్మానందం రియాల్టీ షో ప్లాన్ చేసినట్లు…. ఆయనే వ్యాఖ్యాతగా ఉంటూ ఈ షో నిర్వహించనున్నట్లు సమాచారం. దీంతో బ్రహ్మానందంపై సినిమాలకు రిటైర్మెంట్ ఇచ్చినట్లు వచ్చిన వార్తలను ఆయన సన్నిహితులు ఖండించడం జరిగింది. వస్తున్న వార్తలలో వాస్తవం లేదని, హార్ట్ సర్జరీ కాబట్టి విశ్రాంతి ఎక్కువ తీసుకుంటున్నారని త్వరలోనే మళ్లీ సినిమాల్లో బిజీ అవ్వటం ఖాయం అన్నట్టుగా చెప్పు కోచ్చినట్లు సమాచారం.