Sula Vineyards: సులా వైన్స్యార్డ్ మహారాష్ట్రలోని నాసిక్ లో ఉంది. అక్కడ ఈ కంపెనీకి సంబంధించి రెండు వైన్ రిసార్టులు ఉన్నాయి. 1996లో సులా వైన్స్యార్డ్ ఈ కంపెనీ స్థాపించడం జరిగింది. దేశంలో వైన్ తయారీ రంగంలో సులా వైన్స్యార్డ్ పేరుగాంచింది. దేశంలో టూరిజం రంగంకి సంబంధించి వైన్ ప్రముఖ కంపెనీలలో ఇది ఒకటి. అనేక లాభాలతో ప్రతి ఏట దూసుకుపోతున్న సులా వైన్స్యార్డ్.. ఇప్పుడు షేర్ మార్కెట్ లో ఎంట్రీ ఇవ్వడం జరిగింది.
డిసెంబర్ 12వ తారీకు నుండి సులా వైన్స్యార్డ్ ఐపీఓ పెట్టుబడులకు తెరలేపింది. ఈ క్రమంలో డిసెంబర్ 14 వ తారీకు వరకు పెట్టుబడులు ఆహ్వానిస్తుంది. దీనిలో భాగంగా ఒక్కో షేర్ ధరను ₹340 నుంచి ₹357 వరకు నిర్ణయించబడటం జరిగింది. ఐపీఓ ద్వారా కంపెనీ మార్కెట్ నుంచి ₹900 కోట్లకు పైగా సమీకరించబడుతోంది. అంతేకాదు పెట్టుబడిదారుల కోసం 42 ఈక్విటీ షేర్ ల కోసం వేలం కూడా వేయవచ్చు. అయితే ఈ షేర్ డిసెంబర్ 22వ తారీకు నేషనల్ స్టాక్ ఎక్స్ఛేంజ్, బీఎస్ఈలో లిస్ట్ కానుంది. ఈ రకంగా లిస్ట్ అయితే దేశంలోనే మొట్టమొదటి సులా వైన్స్యార్డ్ తయారీ కంపెనీగా నిలుస్తుంది. కాగా కంపెనీ ఇన్వెస్టర్లు ఐపీఓలో విక్రయించే షేర్లకు కంపెనీకి సంబంధం ఉండదు. ఈ క్రమంలో ఐపిఓలో వచ్చే మొత్తం వాటాదారులకు వెళ్ళనుంది.
ఈ కంపెనీ షేర్ గ్రే మార్కెట్లో రూ.40 ప్రీమియంతో ట్రేడవుతోంది. అంటే దీని ప్రకారం షేర్ దాదాపు రూ.400 లిస్ట్ చేయవచ్చని స్టాక్ మార్కెట్ పరిశీలకులు అంచనా వేస్తున్నారు. దేశంలో 13 బ్రాండ్ల పేర్లతో 56 రకాల టేబుల్ వైన్ లను ఉత్పత్తి చేస్తున్న ఈ కంపెనీ దేశంలోనే టాప్ వైన్ తయారీ విభాగంలో అధిక లాభాలు రాబడుతూ దూసుకుపోతుంది. ఈ క్రమంలో షేర్ మార్కెట్ లో వైన్ తయారీ విబాగంలో పెట్టుబడులకు తెర లేపడంతో…సులా వైన్స్యార్డ్ ఎన్ని అద్భుతాలు సృష్టిస్తుందో అన్నది ఆసక్తికరంగా మారింది.