Subscribe for notification

Visakhapatnam Land Scam YCP MLA: విశాఖలో భూ బాగోతం..! ఆయన పాత్ర ఏమిటో..?

Share

Visakhapatnam Land Scam YCP MLA: జగన్మోహనరెడ్డి సర్కార్ విశాఖపట్టణాన్ని పరిపాలనా రాజధానిగా చేయాలని భావిస్తున్న సంగతి తెలిసిందే. పరిపాలనా వికేంద్రీకరణలో భాగంగా అమరావతిని శాసన రాజధానిగా ఉంచి, విశాఖను పరిపాలనా రాజధానిగా చేసి కర్నూలును న్యాయరాజధానిగా చేయాలనేది ప్రభుత్వ సంకల్పం. మూడు రాజధానులు అనేది పేరుకు మాత్రమే కానీ పరిపాలనా రాజధాని అంటే విశాఖనే పూర్తిగా రాజధాని అనుకోవచ్చు. ఎందుకంటే మొత్తంగా రాష్ట్ర ప్రభుత్వ యంత్రాంగం అంటే సెక్రటేరియేట్, సీఎంఓ, అన్ని శాఖల హెచ్ఓడిలు అక్కడికే వెళతాయి కనుక అదే రాజధానిగా స్థిరపడిపోతుంది. పేరుకు మాత్రమే అమరావతి, కర్నూలు శాసన, న్యాయరాజధానులుగా ఉంటాయి. అమరావతి అనే బ్రాండ్ పొగొట్టాలి, చంద్రబాబు ముద్ర చెరిపివేయాలి అంటే కొత్తగా విశాఖలో రాజధాని ఏర్పాటు చేస్తే జగన్ మార్కు కనబడుతుంది.

నిజానికి విశాఖపట్నం పరిపాలనా రాజధాని అనుకోకముందు నుండే అంటే 2015 -16 కాలం నుండి అక్కడ భూ అక్రమాలు విపరీతంగా జరిగాయి. దానికి కారణం అక్కడ ప్రభుత్వ భూములు ఎక్కువగా ఉండటం ఒక కారణం అయితే మోసం చేసే తెలివితేటలు ఉన్న వారు అక్కడ ఎక్కువ మంది ఉండటం రెండవ కారణం. ఈ రెండు కారణాలతో అక్కడ భూదందాలు విపరీతంగా జరిగాయి. దాంతో ఎక్కువ మంది మోసపోయారు. అయితే ఇక్కడ విశేషం ఏమిటంటే మోసపోయిన వారి జాబితాలో వైసీపీ ఎమ్మెల్యే ఒకరు కూడా ఉండటం విడ్డూరం, విచిత్రం. అప్పనంగా తక్కువ రేటుకు భూములు వస్తున్నాయి కదా అని వాటిని కొనేస్తే దాని బాగోతం తరువాత తెలిస్తే ఇలానే ఉంటుంది. విశాఖలో ఈ స్కామ్ లు ఎక్కువ. ఎందుకంటే విశాఖ నగరానికి చుట్టుపక్కల  లిటిగేషన్ ల్యాండ్స్ ఎక్కువ ఉన్నాయి. వాటిని ఆసరాగా చేసుకుని మోసాలరు తెరలేపడం, అత్యాశపరులను మోసం చేయడం జరుగుతుంది. నకిలీ పత్రాలను సృష్టించి స్థలాలను తక్కువ ధరలకు విక్రయిస్తుంటారు. ఆ తరువాత అసలు యజమాని వచ్చి గొడవ చేస్తుంటాడు. ఇటువంటి ఘటనల్లో సాదాసీదా వ్యక్తులు మోసపోయారు అంటే అది పెద్దగా చర్చనీయాంశం కాదు కానీ ఓ అధికార పార్టీ ఎమ్మెల్యే ఇక్కడ బుక్ అవ్వడం విశేషం.

ఈ స్కామ్ విషయానికి వస్తే…విశాఖ సమీపంలోని కొమ్మాదిలో 12.26 ఎకరాల భూమి విలువ సుమారు వంద కోట్లు. ఆ భూమి యజమాని ప్రస్తుతం అమెరికాలో ఉంటున్నారు. అయితే భూ అక్రమాలు చేసే వారు కొందరు ఈ భూమికి నకిలీ పత్రాలు సృష్టించి తక్కువ ధరకు ఇస్తామని బేరం పెట్టారు. వంద కోట్ల విలువైన ఆస్తి కేవలం రూ.19 కోట్లకు వస్తుండటంతో యలమంచిలి వైసీపీ ఎమ్మెల్యే కన్నబాబు రాజు బేరం కుదుర్చుకుని జీపీఏ రిజిస్ట్రేషన్ చేయించుకున్నారు. అయితే ఈ విషయం తెలిసి ఆమెరికాలో ఉన్న భూయజమాని పోలీసులకు ఫిర్యాదు చేశారు. దీంతో పోలీస్, రెవెన్యూ, రిజిస్ట్రేషన్ శాఖలు అలర్ట్ అవ్వడంతో వందల కోట్ల భూస్కామ్ వెలుగులోకి రావడం తీవ్ర సంచలనం అయ్యింది. ఈ ఘటన విశాఖలో జరుగుతున్న భూదందాలకు ఓ ఉదాహరణగా మారుతోంది. అధికార పార్టీ ఎమ్మెల్యేనే ఓ బాధితుడుగా అయ్యాడు అంటే సామాన్య పౌరులు ఎంత మంది మోసపోతున్నారో కదా. ఈ ఘటనలో కన్నబాబురాజును మోసం చేసిన ఇద్దరు వ్యక్తులను పోలీసులు అరెస్టు చేశారు.

పరిపాలనా రాజధానిగా విశాఖ చేస్తున్నప్పుడు ప్రభుత్వం మొదట భూ అక్రమాలను ఎందుకు కంట్రోల్ చేయడం లేదు. విశాఖ ప్రాంతంలో తెలుగుదేశం హయాంలోనే భూ అక్రమాలు భారీగా జరిగాయి. అక్కడి భూదందాలపై ఆరోపణలు రావడంతో అప్పటి టీడీపీ ప్రభుత్వం 2017లో సిట్ వేసింది. ఆ సిట్ నివేదిక తెలుగుదేశం ప్రభుత్వం 2019లో దిగిపోయే సమయానికి రాలేదు. వైసీపీ ప్రభుత్వం అధికారంలోకి వచ్చిన తరువాత అయినా ఆ సిట్ రిపోర్టు తీసుకున్నారా అంటే అదీ లేదు. దానిపై ఇంత వరకూ అధికారికంగా చర్యలు తీసుకోలేదు. అయితే ఆ సిట్ రిపోర్టును అడ్డం పెట్టుకుని ఎవరైతే భూ అక్రమాలకు పాల్పడ్డారో, ఎవరెవరైతే వాటిలో పెద్దవాళ్లు ఉన్నారో, ఎవరైతే వాటితో బాగుపడుతున్నారో తెలుసుకుని వారిని కొందరు వైసీపీ నేతలు పిలిచి మీరు అక్కడ ఇది చేశారు, ఇక్కడ ఇది చేస్తారు మీరు కొంత ఇచ్చుకోండి లేకపోతే భూమి వదిలేసుకోండి అని బెదిరిస్తూ సెటిల్‌మెంట్ దందాలు చేస్తున్నారనే టాక్ నడుస్తోంది. ఈ విధంగా అక్కడ భూదందాలు నడుస్తున్న నేపథ్యంలో అక్కడి ప్రజానీకానికి పరిపాలనా రాజధాని చేయడం ఇష్టంలేదన్న వాదనలు వినబడుతున్నాయి.

read More: YS Sharmila: ఎంఆర్‌పీఎస్ నేత మంద కృష్ణమాదిగతో వైఎస్ షర్మిల భేటీ..! రెండు కారణాలు..!!


Share
Srinivas Manem

A seasoned Journalist with over 12 years of experience in working for news agencies predominantly in Telugu, previously worked for Eenadu as District Chief Reporter. Srinivas expertise is in Andhra Pradesh political analysis, however, he also pens many interesting topics ranging from politics to entertainment and life style.

Recent Posts

Salman Khan: తెలుగు మ్యూజిక్ డైరెక్టర్ కి ఊహించని షాక్ ఇచ్చిన సల్మాన్ ఖాన్..??

Salman Khan: ప్రస్తుతం చాలావరకు సినిమా నిర్మాణానికి సంబంధించి సౌత్ ఇండియా టాలెంట్ హవా కొనసాగుతుంది. ఈత బాలీవుడ్(Bollywood) స్టార్…

51 mins ago

Indian Film Industry: 2022 ఫస్టాఫ్ సౌత్ ఇండియా సినిమాలతో ఊపిరి పీల్చుకున్న ఇండియన్ ఫిలిం ఇండస్ట్రీ..!!

Indian Film Industry: 2020 నుండి మహమ్మారి కరోనా(Corona) కారణంగా సినిమా ఇండస్ట్రీ రెండు సంవత్సరాలు గడ్డు కాలం చూడటం…

2 hours ago

Balakrishna: బాల‌య్య ఈస్ బ్యాక్‌.. బ‌రిలోకి దిగేది ఎప్పుడంటే?

Balakrishna: న‌ట‌సింహం నంద‌మూరి బాల‌కృష్ణ వారం రోజుల క‌రోనా బారిన ప‌డ్డ విష‌యం తెలిసిందే. కరోనా పరీక్షల్లో పాజిటివ్ రావడంతో…

3 hours ago

BJP: బీజేపీకి బిగ్ షాక్ ఇచ్చిన నలుగురు జీహెచ్ఎంసీ కార్పోరేటర్లు.. అధికార టీఆర్ఎస్‌లో చేరిక

BJP: తెలంగాణ (Telangana)లో అధికారమే లక్ష్యంగా బీజేపీ పోరాటాలు చేస్తొంది. అధికార టీఅర్ఎస్ (TRS)పార్టీ కి తామే ప్రత్యామ్నాయం అంటూ…

3 hours ago

Shruti Haasan: ప్ర‌తి మ‌హిళ‌కు తెలుసు.. నేనూ ఆ స‌మ‌స్య‌ల‌తో పోరాడుతున్నా: శ్రుతి హాస‌న్

Shruti Haasan: త‌మిళ స్టార్ హీరో, లోక‌నాయ‌కుడు క‌మ‌ల్ హాస‌న్ కుమార్తెగా సినీ ఇండ‌స్ట్రీలోకి అడుగు పెట్టిన శ్రుతి హాస‌న్…

4 hours ago

Dasara: ఆగిపోయిన నాని `ద‌స‌రా` మూవీ.. ఇదిగో ఫుల్ క్లారిటీ!

Dasara: న్యాచుర‌ల్ స్టార్ నాని, జాతీయ అవార్డు గ్ర‌హీత కీర్తి సురేష్ జంట‌గా న‌టిస్తున్న మాస్ యాక్ష‌న్ ఎంట‌ర్టైన‌ర్ `ద‌స‌రా`.…

5 hours ago