Bigg Boss 6: పాము నిచ్చెనలకు సంబంధించి కెప్టెన్సీ పోటీదారుల టాస్క్ ప్రస్తుతం బిగ్ బాస్ హౌస్ లో జరుగుతుంది. ఈ సీజన్ స్టార్ట్ అయ్యి 9 వారాలలోనే 9 మంది ఎలిమినేట్ అయిపోయారు. మరి ఈ వారం ఎవరు ఎలిమినేట్ అవుతారు అన్నది చాలా సస్పెన్స్ గా నెలకొంది. హౌస్ లో 9 మంది నామినేషన్ లో ఉన్నారు. ఈ క్రమంలో గేమ్ చాలా వరకు చివరి దశకు చేరుకుంటున్న నేపథ్యంలో ఇంటిలో ఉన్న సభ్యులు… మంచి పోట పోటీగా గేమ్ ఆడుతున్నారు. గీతు ఎలిమినేట్ కావడంతో.. ఆదిరెడ్డి గేమ్ స్లో అయిపోయింది.
మరోపక్క ఇంటిలో ఉన్న సభ్యులంతా ఇనాయానీ టార్గెట్ చేస్తూ ఉండటంతో బయట ఆమె ఓటింగ్ గ్రాఫ్ పెరిగిపోతోంది. ఏకంగా ఈ సీజన్ లో ఎక్కువ ఓట్లు మొదటి నుండి రాబడుతున్న రేవంత్ నీ కూడా దాటేసింది. పరిస్థితి ఇలా ఉంటే పదో వారంలో ప్రస్తుతం కెప్టెన్సీ పోటీదారుల టాస్క్ జరుగుతున్న సంగతి తెలిసిందే. “స్నేక్స్ లేడార్” గేమ్ బిగ్ బాస్ ఇంటి సభ్యులకు ఇవ్వడం జరిగింది. అయితే బుధవారం ఎపిసోడ్ కి సంబంధించి రిలీజ్ అయిన ప్రోమోలో… ఇంటిలో ఉన్న సభ్యులంతా రేవంత్ నీ గట్టిగా టార్గెట్ చేశారు.
ఈ క్రమంలో రేవంత్ ని రెచ్చగొడుతూ ఫిజికల్ అవుతున్నావని.. ఆదిరెడ్డి, కీర్తి… ఇంకా చాలామంది లబోదిబోమన్నారు. అయితే గేమ్ ఆడటం చేతకాకపోతే బయటికి వెళ్లిపోండి అంటూ రేవంత్ మరింతగా రెచ్చిపోయాడు. మొత్తం మీద చూసుకుంటే మరి కొద్ది గంటల్లో జరగబోయే బుధవారం ఎపిసోడ్ లో ఇంటిలో ఉన్న సభ్యులంతా రేవంత్ కెప్టెన్సీ పోటీదారుడు కాకుండా గట్టిగానే టార్గెట్ చేసినట్లు… రిలీజ్ అయిన ప్రోమోలో కనిపిస్తోంది.