Bigg Boss 6: తెలుగు బిగ్ బాస్ సీజన్ సిక్స్ అన్ని సీజన్ లలో కంటే అట్టర్ ఫ్లాప్ అయిన టాక్ ఫస్ట్ నుండి వినిపిస్తున్న సంగతి తెలిసిందే. ఇంటి సభ్యులు ఎవరు కూడా సరిగ్గా గేమ్ ఆడటం లేదని అంటున్నారు. కేవలం బిగ్ బాస్ ఇచ్చే ఆదేశాలు మాత్రమే పాటిస్తున్నారు. మిగతా టైంలో ఎవరికి వారు కబుర్లు చెప్పుకుంటున్నారు. ఒకరిలో కూడా గేమ్ స్పిరిట్.. టైటిల్ గెలుచుకోవాలి అనే కసి కూడా లేదు. ఈ క్రమంలో ఇదే విషయాన్ని రెండో వారంలో నాగార్జున తెలియజేయగా ఏడో వారంలో బిగ్ బాస్… ఇంటి సభ్యులకు క్లాస్ పీకటం జరిగింది. ఇదంతా పక్కన పెడితే గత సీజన్ లలో ఓటింగ్ పరంగా బిగ్ బాస్ హౌస్ నుండి ఎవరు ఎలిమినేట్ అవుతారు అనేది ఆట తీరు బట్టి అంచనా వేసే పరిస్థితి ఉండేది. ఆ రీతిగానే హౌస్ నుండి సదరు కంటెస్టెంట్ ఎలిమినేట్ అయ్యే వాళ్ళు.
ఇప్పుడు సీజన్ సిక్స్ లో మాత్రం.. అసలు అనుకుంటున్నా కంటెస్టెంట్ ఒకలైతే .. చివరాకరికి ఇంటి నుండి ఎలిమినేట్ అవుతున్న కంటెస్టెంట్ మరొకరు అవుతున్నారు. తొలివారాలు బాగానే ఉన్నా గాని ఇటీవల రెండు వారాల నుండి ఊహించని విధంగా ఎలిమినేట్ అవుతున్నారు. తాజాగా ఏడో వారం ఇంటి నుండి మెరీనా లేదా రాజ్ ఇద్దరిలో ఒకరు ఎలిమినేట్ కాబోతున్నట్లు అందరూ భావించారు. ఓటింగ్ పోల్ ప్రకారం కూడా ఆ రీతిగానే ఓట్లు పడినట్లు ప్రచారం జరిగింది. కానీ అనూహ్యంగా ఏడో వారం అర్జున్ ఇంటి నుండి ఎలిమినేట్ అయినట్లు వార్తలు లీక్ అయ్యాయి.
ఇది కచ్చితంగా ఊహించని షాకింగ్ ఎలిమినేషన్ అని తాజా వార్తలపై ఆడియన్స్ రియాక్ట్ అవుతున్నారు. గేమ్ పరంగా అర్జున్ తొలివారాల్లో చాలా స్లోగా ఆడాడు. ఎక్కువగా శ్రీ సత్య మీద దృష్టి పెట్టడం జరిగింది. ఐదో వారం నుండి కొద్దిగా పుంజుకున్నాడు. ఇక ఏడో వారంలో గేమ్ వచ్చేసరికి ఎక్కువగా దూకుడుగా ఆడటం జరిగింది. రేవంత్ తిట్టినా గాని గట్టిగానే రిప్లై ఇచ్చేవాడు. అయినా గాని ఏడో వారంలో అర్జున్ నామినేట్ అయిపోయాడు అంట. కచ్చితంగా ఇది ఊహించని షాకింగ్ ఎలిమినేషన్ అని తాజా వార్తపై బిగ్ బాస్ ప్రేక్షకులు కామెంట్లు చేస్తున్నారు.