Bigg Boss 6: బిగ్ బాస్ సీజన్ సిక్స్ ఐదో వారం గేమ్ నడుస్తోంది. గురువారం ఎపిసోడ్ లో బిగ్ బాస్ ఇంటి సభ్యులను తమ కోరికలను తెలియజేయమని చెప్పడంతో చాలామంది తమ ఇంటి విషయాల గురించి ప్రస్తావించారు. తమ కుటుంబ సభ్యులను బాగా చూసుకోవాలని.. కొంతమంది పేర్లు ప్రస్తావించి రకరకాలుగా తమ భావాలు వ్యక్తపరిచారు. ఈ క్రమంలో బాలాదిత్య, శ్రీహాన్, అర్జున్ కళ్యాణ్, ఇనాయా… ఎమోషనల్ అయ్యారు.
శ్రీహన్ తన తల్లిదండ్రులను బాగా చూసుకోవాలని సిరికి తెలిపారు. షూటింగ్ లలో బిజీగా ఉన్న గాని రోజుకొక్కసారి ఫోన్ చేయాలనీ కోరారు. రేవంత్ కూడా తన భార్యని, తల్లిని మిగతా ఇంటి సభ్యులు బాగా చూసుకోవాలని అన్నారు. ఇంకా అర్జున్ కళ్యాణ్, సూర్య తమ కుటుంబ సభ్యులకి సంబంధించి వీడియో బైట్ కోరడం జరిగింది. ఆది రెడ్డి తన కూతురు బర్త్ డే రాబోతుందని కుదిరితే వీడియో రూపంలో నైనా పాల్గొన్నేలా చూడాలని బిగ్ బాస్ నీ రిక్వెస్ట్ చేయడం జరిగింది.
అనంతరం బిగ్ బాస్ బర్తడే టాస్కులలో ఆరుగురిని బెస్ట్ పెర్ఫార్మన్స్ గా ఎంపిక చేయాలని కెప్టెన్ కీర్తి కి ఆదేశాలు ఇవ్వడం జరిగింది. దీంతో కీర్తి బిగ్ బాస్ ఆదేశాలు మేరకు.. బాలాదిత్యా, రేవంత్, ఫైమా, గీతు, సూర్య, రాజ్ లని ఎంపిక చేయడం జరిగింది. కీర్తి సెలక్షన్ పట్ల హౌస్ లో కొంతమంది అసహనం వ్యక్తం చేశారు. కెప్టెన్సీ పోటీదారులుగా బరిలోకి దిగిన బాలాదిత్యా, రేవంత్, ఫైమా, గీతు, సూర్య, రాజ్ లకి ఒక టాస్క్ నిర్వహించడం జరిగింది. ఈ టాస్క్ లో బాలాదిత్యా, రేవంత్, సూర్య గెలిచారు. దీంతో నెక్స్ట్ లెవెల్ లో ఈ ముగ్గురు ఐదో వారం కెప్టెన్సీ బరిలో పోటీ పడనున్నట్లు బిగ్ బాస్ తెలియజేశారు. మరి ఐదో వారం కెప్టెన్ గా ఈ ముగ్గురిలో ఎవరు అవుతారో చూడాలి.