Prabhas: యంగ్ రెబల్ స్టార్ ప్రభాస్ ఇటీవల సలార్ సినిమాతో విజయం సాధించడం తెలిసిందే. దాదాపు ఐదు సంవత్సరాల తర్వాత ప్రభాస్ బాక్సాఫీస్ వద్ద హీట్ అందుకోవటం జరిగింది. “సలార్” సినిమాతో అనేక రికార్డులు క్రియేట్ చేస్తూ ఉన్నారు. ప్రశాంత్ నీల్ సినిమాని తెరకెక్కించిన విధానం.. ప్రభాస్ నీ చూపించిన విధానం ప్రేక్షకులను ఎంతగానో ఆకట్టుకుంది. దీంతో 2023 ఏడాదిలో అత్యధిక ఓపెనింగ్స్ రాబట్టిన సినిమాగా సలార్ అన్ని సినిమాల రికార్డులను బ్రేక్ చేయడం జరిగింది. మరోపక్క డైరెక్టర్ సందీప్ రెడ్డి వంగ ఈ ఏడాది “యానిమల్” సినిమాతో… భారీ బ్లాక్ బస్టర్ అందుకోవటం తెలిసిందే. నెక్స్ట్ ప్రభాస్ తో “స్పిరిట్” సినిమా చేయబోతున్నారు. అయితే ఈ సినిమాకి సంబంధించి నిర్మాత ప్రణయ్ రెడ్డి ప్రభాస్ పాత్ర గురించి కీలక వ్యాఖ్యలు చేశారు.
“స్పిరిట్” సినిమాలో ప్రభాస్ పోలీస్ ఆఫీసర్ పాత్రలో కనిపించబోతున్నారని స్పష్టం చేశారు. అంతేకాదు యాంగ్రీ యంగ్ మాన్ పోలీస్ గా ప్రభాస్ పాత్ర ఉంటుందని.. వచ్చే ఏడాది సినిమా షూటింగ్ మొదలు కాబోతుందని ఇటీవల ఇంటర్వ్యూలో వ్యాఖ్యానించారు. ఇదిలా ఉంటే సందీప్ రెడ్డి వంగ.. “యానిమల్” ప్రమోషన్ కార్యక్రమంలో భాగంగా బాలకృష్ణ షోకి రావడం తెలిసిందే. “అన్ స్టాపబుల్” షోకి వచ్చిన సమయంలో… సెప్టెంబర్ నెల నుండి “స్పిరిట్” సినిమా షూటింగ్ స్టార్ట్ అవుతుందని వ్యాఖ్యానించారు. కాగా ఇప్పుడు నిర్మాత ప్రణయ్ రెడ్డి.. “స్పిరిట్” లో యాంగ్రీ పోలీస్ ఆఫీసర్ గా ప్రభాస్ కనిపించబోతున్నట్లు కామెంట్లు చేయటంతో..”స్పిరిట్” పై అంచనాలు మరింతగా పెరిగాయి.
ప్రస్తుతం “సలార్” సినిమా మొదటి భాగం విజయం సాధించడంతో రెండో భాగం షూటింగ్ మొదలు కాబోతుందట. “సలార్” సెకండ్ పార్ట్ వచ్చే ఏడాది సమ్మర్ లేదా జూలై నెలలో విడుదల అయ్యే అవకాశాలు ఉన్నట్లు టాక్. దీంతో ఒక పక్క “సలార్” సెకండ్ పార్ట్ ఇంకోపక్క నాగ్ అశ్విన్ కల్కి.. మారుతి దర్శకత్వంలో చేస్తున్న సినిమా షూటింగ్స్ లో ప్రస్తుతం ప్రభాస్ బిజీబిజీగా ఉన్నారు. ఈ ప్రాజెక్టులైన వెంటనే సందీప్ రెడ్డి వంగ “స్పిరిట్” స్టార్ట్ చేయనున్నట్లు తాజా పరిణామాలు బట్టి తెలుస్తుంది.