Ante Sundaraniki: న్యాచుర‌ల్ స్టార్ నాని, యంగ్ డైరెక్ట‌ర్ వివేక్ ఆత్రేయ కాంబినేష‌న్‌లో రూపుదిద్దుకున్న ల‌వ్ అండ్ ఫ‌న్ ఎంట‌ర్టైన‌ర్ `అంటే..సుందరానికీ!`. ఇందులో మ‌ల‌యాళ బ్యూటీ నజ్రియా నజీమ్ హీరోయిన్‌గా న‌టించ‌గా.. సీనియర్ నటుడు నరేష్, రోహిణి, నదియా త‌దిత‌రులు కీలక పాత్ర‌ల‌ను పోషిస్తున్నారు. మైత్రి మూవీ మేకర్స్ బ్యానర్‌పై నవీన్ ఎర్నేని, రవిశంకర్ .వై నిర్మించిన ఈ సినిమా జూన్ 10న విడుద‌లై పాజిటివ్ టాక్ ను సొంతం చేసుకుంది.
కానీ, బాక్సాఫీస్ వ‌ద్ద ఊహించ‌ని స్థాయిలో క‌లెక్ష‌న్స్ అయితే రావ‌డం లేదు. ప్ర‌పంచ‌వ్యాప్తంగా రూ. 30 కోట్ల ప్రీ రిలీజ్ బిజినెస్ చేసిన ఈ చిత్రం.. రూ. 31 కోట్ల బ్రేక్ ఈవెన్ టార్గెట్‌తో బ‌రిలోకి దిగింది. ఇప్ప‌టి వ‌ర‌కు ఈ మూవీ వ‌ర‌ల్డ్ వైడ్‌గా రూ. 20.57 కోట్ల షేర్‌ను మాత్ర‌మే రాబ‌ట్టింది.
- Read the latest news from NEWSORBIT
- Follow us on facebook , Twitter , instagram and Googlenews
బాక్సాఫీస్ వ‌ద్ద ఈ మూవీ క్లీన్ హిట్‌గా నిల‌వాలంటే.. ఇంకా రూ. 10.43 కోట్ల షేర్ ని అందుకోవాల్సిన అవసరం ఎంతైనా ఉంది. కానీ, సినిమా పరిస్థితి చూస్తుంటే.. అంత భారీ టార్గెట్‌ను రీచ్ కావ‌డం ఆల్ మోస్ట్ కష్టంగానే కనిపిస్తోంది. దీంతో `అంటే..` మేకర్స్ ఆల‌స్యం చేయ‌కుండా ఈ మూవీని ఓటీటీలోకి దింపేందుకు సిద్ధం అయ్యారు.
అంటే సుందరానికీ డిజిటల్ స్ట్రీమింగ్ హక్కుల‌ను సాలిడ్ ధ‌ర‌కు ప్ర‌ముఖ దిగ్గ‌జ ఓటీటీ సంస్థ నెట్‌ఫ్లిక్స్ దక్కించుకున్న సంగ‌తి తెలిపిందే. అయితే నేడు ఈ మూవీ డిజిటల్ స్ట్రీమింగ్ డేట్ ఆ సంస్థ అధికారికంగా ప్రకటించింది. జులై 8 నుండి అంటే సుందరానికీ ఓటీటీలో స్ట్రీమ్ కానుంది. ఈ మేకర్స్ నెట్‌ఫ్లిక్స్ వారు పోస్ట‌ర్‌ను సోష‌ల్ మీడియా ద్వారా బ‌య‌ట‌కు వ‌దిలారు. దీంతో నాని ఫ్యాన్స్ ఫుల్ ఖుషీ అయిపోతున్నారు.
