Pooja Hegde: పూజా హెగ్డే.. ఈ బ్యూటీ గురించి ప్రత్యేకంగా పరిచయాలు అవసరం లేదు. `ఒక లైలా కోసం` మూవీతో టాలీవుడ్లోకి అడుగు పెట్టిన ఈ బ్యూటీ.. తనదైన టాలెంట్తో అనతి కాలంలోనే స్టార్ ఇమేజ్ ను సొంతం చేసుకుంది. ప్రస్తుతం ఈ బ్యూటీ సౌత్ తో పాటు నార్త్లోనూ నటిస్తూ కెరీర్ పరంగా జెట్ స్పీడ్లో దూసుకుపోతోంది.
అయితే ఇటీవల పూజా హెగ్డే నటించిన రాధేశ్యామ్, బీస్ట్, ఆచార్య చిత్రాలు భారీ అంచనాల నడుమ విడుదలై.. బాక్సాఫీస్ వద్ద ఘోరంగా బోల్తా పడ్డాయి. అయినప్పటికీ బుట్టబొమ్మ క్రేజ్ ఏ మాత్రం తగ్గలేదు. ప్రస్తుతం ఈ భామ విజయ్ దేవరకొండ సరసన `జనగణమన` అనే పాన్ ఇండియా ప్రాజెక్ట్లో నటిస్తోంది.
- Read the latest news from NEWSORBIT
- Follow us on facebook , Twitter , instagram and Googlenews
అలాగే బాలీవుడ్ లో సల్మాన్ ఖాన్ కు జోడీగా `కభీ ఈథ్ కభీ దివాలీ`, `సర్కస్` వంటి చిత్రాల్లో నటిస్తోంది. ఇదిలా ఉంటే.. రీసెంట్గా ఓ ఇంటర్వ్యూలో పాల్గొన్న పూజా హెగ్డే తన సినీ కెరీర్కు సంబంధించి ఎన్నో విషయాలను షేర్ చేసుకుంది. పూజా హెగ్డే మాట్లాడుతూ.. `తెలుగులో నేను చేసిన ఆరు సినిమాలు వరుసగా హిట్ అవ్వడం కెరీర్ లోనే బిగ్గెస్ట్ సక్సెస్. ఇక లోయేస్ట్ పాయింట్ వచ్చేసి నా డెబ్యూ(మొహంజోదారో) చిత్రమే.
నా కెరీర్లో అది ఒక చెత్త సినిమాగా నిలిచింది. ఆ సినిమా వల్ల నాకు ఏడాది పాటు ఆఫర్స్ రాలేదు. పైగా ఐరన్ లెగ్ అనే పేరు కూడా వచ్చింది` అంటూ షాకింగ్ కామెంట్స్ చేసింది. దీంతో ఈమె కామెంట్స్ కాస్త నెట్టింట వైరల్గా మారాయి. కాగా, బాలీవుడ్ స్టార్ హీరో హృతిక్ రోషన్, పూజా హెగ్డే జంటగా నటించిన మొహంజోదారో చిత్రం 2012లో విడుదలైంది. ఎన్నో అంచనాల మధ్య వచ్చిన ఈ మూవీ ఫ్లాప్గా నిలిచింది.