ఈ రోజులలో ఫ్రిజ్ వాడని వారు ఉన్నారా..ఫ్రిజ్ లేని ఇల్లు ఉందా.. సందేహించాల్సిందే కదా… ప్రతి ఇంటిలో ఫ్రిజ్ నిత్యవసర వస్తువు అయింది. పేద కుటుంబం అయినా.. ధనిక కుటుంబం అయినా.. పూరి గుడిసా.. బంగ్లా నా అనే తేడాలు లేకుండా దాదాపుగా అన్ని కుటుంబాలు ఫ్రిజ్ లను కలిగియున్నారు. ఫ్రిజ్ పని చేయకపోతే వంట గదిలో మహిళ పడే కష్టాలు చెప్పెవి కావు. పూర్వం ఏ రోజుకు కావలసిన ఆ రోజు కొనుగోలు చేసుకునే వారు. లేదా అప్పటి పదార్ధాలు కూడా నిలవ సామర్ద్యం ఉండేవి.
కాని నేడు మనం తినే ఆహార పదార్దాలు ఎక్కువ శాతం నిల్వ సామర్ద్యం తగ్గిపోయినవి. ఆ పదార్ధాలను మనం ఫ్రిజ్ లేకుండా రెండు రోజులు ఉంచగలమా..అవి పాడవకుండా ఉంటాయా.. అంటే చెప్పలేము. అలానే ప్రస్తుతం అందరూ బిజి లైఫ్ గడుపుతున్నారు. ఎవరికి కూడా ప్రతి రోజు మార్కెట్ కి వెళ్ళి ఏ రోజుకు కారోజు కూరగాయలు తెచ్చుకునే సమయం లేదు. ఈ నేపధ్యంలోనే వారం రోజులకు సరిపడ కూరగాయలు తేవడం తాజాగా ఉండటం కోసం అవి ఫ్రిజ్ లలో నిల్వ ఉంచడం జరుగుతుంది.
ఈ కోణంలోనే కోడిగుడ్లు కూడా ఫ్రిడ్జ్ లలో నిల్వ ఉంచుతున్నారు. ఫ్రిజ్ లలో పెట్టుకొని, అవసరం అయినప్పుడు వాడుకోవడం సౌలభ్యంగా ఉంది. ఎక్కువ రోజులు ఫ్రిజ్లో నిల్వ ఉంచడం వలన ఎన్నో అనారోగ్య సమస్యలు తలెత్తుతాయి అనేది అందరికి తెలసిందే. ఫ్రిజ్ వాడకం తప్పనిసరి అయింది. వెరే మార్గం కూడా లేదు. ఇడ్లి పిండి, దోసె పిండి, పెరుగు, పాలు ఇలా ఒకటేంటి ప్రతిది ఫ్రిజ్ లో పెట్టాల్సిందే. అయితే కొన్ని పదార్ధాలు, కూరగాయలు మాత్రం ఫ్రిజ్ పెట్టక పోవడం ఉత్తమం. అవేంటో తెలుసుకుందాం.. అన్ని కూరగాయలు లాగానే టమాటాలు, కోడిగుడ్లు కూడా ఫ్రిజ్ లో నిల్వ ఉంచుతాము. దాని వల్ల ఎప్పుడు అవి మన కంటికి ఫ్రెష్ గా కనబడతాయి. అది నిజం కాదు.. అని నిపుణులు తెలుపుతున్నారు. అవి ఎక్కువ కాలం ఫ్రిజ్ లో ఉండటం వలన పాడైపోతాయని, పలు అధ్యయనాల్లో పరిశోధకులు గుర్తించారు. టమాటాలను ఫ్రిజ్ లో ఉంచడం వలన అవి తమ సహజ రుచి కోల్పోతాయి, పులుటి రుచి వస్తుంది. అవి మన అనారోగ్యానికి దారి తీస్తాయంటూ నిపుణులు పేర్కొంటున్నారు. కోడిగుడ్లు కూడా లోపలి భాగం పాడైపోతుంది. పెంకుపై బ్యాక్టీరియా చేరీ అనారోగ్యాలకు గురి చేసే అవకాశం ఉంటుంది. అలానే రుచిని కొల్పోయి, చప్పగా ఉంటుంది. ఇకనైనా ఫ్రిజ్ ను పూర్తిగా వాడకుండా ఉండలేము. నిజం మాట్లడుకుంటే ఫ్రిజ్ లేకుండా రోజు గడవడం కూడా కష్టమే.