Sapota: ఈ సీజన్ లో లభించే పండ్లలో సపోటా కూడా ఒకటి.. ఈ పండు రుచికి రుచి ఆరోగ్యానికి ఆరోగ్యం అందిస్తుంది.. సపోటా పండు లో శరీరానికి కావలసిన ఎన్నో రకాల విటమిన్స్ మినరల్స్ పుష్కలంగా ఉన్నాయి.. ఇంతకీ సపోటా పండు తింటే బరువు తగ్గుతారా..!? పెరుగుతారా..!? అని చాలా మంది అనుమానం వస్తుంది.. ఇందులో వాస్తవమేంతో ఇప్పుడు చూద్దాం..!!
రాత్రి పూట చపాతీలు తింటే నిజంగానే బరువు తగ్గుతారా..?
సపోటా లో యాంటీ ఆక్సిడెంట్స్ ఎక్కువగా ఉండడం వలన మన శరీరంలో రోగ నిరోధక శక్తిని పెంపొందించడం తోపాటు శరీరంలోకి హానికర బ్యాక్టీరియా వైరల్ ఇన్ఫెక్షన్ రాకుండా అడ్డుకుంటుంది. ఇందులో ఉండే కాల్షియం ఎముకలు, పళ్లు దృఢంగా ఉండేలా చేస్తుంది. ఇంకా ఇందులో విటమిన్ ఏ ఉంటుంది. ఇది కంటి సమస్యలను నయం చేస్తుంది. వీటిలో ఉండే పీచు పదార్థాలు, కార్బోహైడ్రేట్స్, యాంటీ ఆక్సిడెంట్లు క్యాన్సర్ రాకుండా అడ్డుకుంటుంది. గర్భిణీ స్త్రీలు, బాలింతలు ఈ పండ్లు తింటే ఆరోగ్యానికి మంచిదని నిపుణులు చెబుతారు. వేసవికాలంలో సపోటా జ్యూస్ తాగితే తక్షణ శక్తి లభిస్తుంది.
తినడానికి రుచిగా ఉండే సపోటాపండు లో చక్కెర, పిండి పదార్థాలు అధిక మొత్తంలో ఉంటాయి. కాబట్టి ఎక్కువగా తీసుకుంటే అధిక బరువు పెరిగే అవకాశం ఉంది. బరువు తగ్గాలనుకునే వారు ఈ పండుకు సాధ్యమైనంత దూరంగా ఉండాలి. ఎప్పుడో ఒకసారి తింటే బరువు పెరగరు. కానీ తరచుగా తీసుకుంటే మాత్రం ఖచ్చితంగా బరువు పెరుగుతారు. సపోటా తింటే రక్తంలో చక్కెర స్థాయిలను పెంచుతాయి. అందువలన డయాబెటిస్ ఉన్నవారు సపోటా కు దూరంగా ఉండాలి.