Aging ఈ రోజుల్లో ప్రతి ఒక్కరు యంగ్ గా కనిపించలని బాగా కోరుకుంటున్నారు. మన వయస్సు వారికన్నా మనం చిన్నగా కనిపిస్తుంటే వచ్చే కిక్ మాటలలో చెప్పలేనిది.మరి మీకు ఆ కిక్ కావాలంటే ఇలా చేసి చూడండి.మీకు మీ తోటివారికంటే పదేళ్లు చిన్నగా కనిపించాలన్న కోరిక బలం గా ఉంటే, సైక్లింగ్ చేయండి అని సలహా ఇస్తున్నారు
ఆరోగ్య నిపుణులు. సైక్లింగ్ చేయడం వలన మంచి వ్యాయామం చేసిన ఫలితం తోబాటు మీ వయసు కూడా తగ్గుతుంది అంటున్నారు పరిశోధకులు.
స్వీడన్ కుసంబందించిన కొందరు నిపుణులు నిర్వహించిన ఒక పరిశోధనలో వ్యాయామంలో సైక్లింగ్కి ఎక్కువ ప్రాధాన్యత ఇవ్వడం వల్ల చాలా లాభాలుపొందుతున్నట్లు తెలియచేసారు..నిజానికి వ్యాయామం అంటే నడక, లేదా పరుగులెత్తడం, అదీ కాకుంటే బరువులెత్తడం లాంటివి అన్ని చేస్తుంటాం.అయితే ఒక గంట సేపు సైకిల్తొక్కడం వలన దాదాపు 300 నుంచి 400 కేలరీలు తగ్గుతాయి . వారంలో కనీసం 4 గంటల నుండి 7 గంటల వరకు సైకిల్ తొక్క గల్గితే చాలా తక్కువ సమయం లోనే అధిక బరువు అంటే దాదాపు ఒక పౌండ్ బరువు తగ్గవచ్చట . సైక్లింగ్ చేయడం వల్ల అటు శరీరం బరువు తగ్గడం తోబాటు మానసికంగా ఎంతో ఉత్తేజం పొందవచ్చని పరిశోధకులు తెలియచేస్తున్నారు.
సైక్లింగ్ చేయడం వల్ల శరీర కండరాలు దృఢంగా ఉంటాయి. రోజూ సైక్లింగ్ చేసేవారు అసలు వయస్సుకన్నా కూడా పదేళ్లు చిన్నవారిగా కనిపిస్తారు. సైక్లింగ్ వల్లకేలరీలు ఎక్కువగా ఖర్చుఅయి ఊబకాయం సమస్య రాకుండా ఉంటుంది . అధిక రక్తపోటు ఉన్నవారు కూడా రోజూ ఓ నలభై నిముషాల పాటు సైక్లింగ్ చేయడం వల్ల సమస్యఅదుపు చేయబడుతుందని పరిశోధకులు తెలియచేస్తున్నారు. ఇందులో ఇంకా ముఖ్యమైన విషయం ఏమిటంటే, రోజు ఒక గంట సైకిల్ తొక్కడం వలన రోగనిరోధకశక్తి కూడా పెరుగుతుంది.దానివలన వ్యాదులు వచ్చే అవకాశం ఉండదు.