Actress Poorna: న‌టి పూర్ణ గురించి కొత్త‌గా ప‌రిచ‌యాలు అవ‌స‌రం లేదు. కేర‌ళ‌లో జ‌న్మించిన ఈ ముద్దుగుమ్మ.. `శ్రీ మహాలక్ష్మి` సినిమాతో తెలుగు ఇండ‌స్ట్రీలోకి అడుగు పెట్టింది. ఆ త‌ర్వాత సీమ టపాకాయ్, అవును, అవును 2తో స‌హా ప‌లు చిత్రాలు చేసిన పూర్ణ.. స్టార్ హీరోయిన్‌గా ఎద‌గ‌లేక‌పోయినా టాలెంటెడ్ న‌టిగా త‌న‌కంటూ మంచి గుర్తింపును ద‌క్కించుకుంది.
అయితే అవ‌కాశాలు త‌గ్గిపోతున్న త‌రుణంలో బుల్లితెర‌పై ప్ర‌సారం అవుతున్న డ్యాన్స్ రియాలిటీ షో `ఢీ`లోకి అడుగు పెట్టి.. అంద‌రి చూపుల‌ను మళ్లీ త‌న‌పై ప‌డేలా చేసింది. ప్ర‌స్తుతం స్టార్ హీరోల సినిమాల్లో అవ‌కాశాలు ద‌క్కించుకుంటోన్న పూర్ణ.. ఇటీవ‌ల దృశ్యం 2, అఖండ, బ్యాక్‌డోర్‌, సుంద‌రి చిత్రాల‌తో ప్రేక్ష‌కుల‌ను ప‌ల‌క‌రించింది.
అలాగే ప‌లు వెబ్ సిరీస్‌ల‌లోనూ న‌టిస్తోన్న ఈ ముద్దుగుమ్మ.. మొత్తానికి సెకెండ్ ఇన్నింగ్స్‌లో ఫుల్ బిజీగా మారింది. ఇక మ‌రోవైపు సోష‌ల్ మీడియాలోనూ యాక్టివ్‌గా ఉండే ఈ బ్యూటీ.. ఎప్ప‌టిక‌ప్పుడు తన అందాల‌తో నెటిజ‌న్ల‌ను ఫిదా చేస్తుంటుంది. తాజాగా కూడా గ్రీన్ ఔట్ ఫిట్‌లో మిస్మ‌రైజ్ అందాలను చూపిస్తూ క్యూట్ క్యూట్‌గా ఫొటోల‌కు పోజులిచ్చింది.
ఆపై అందుకు సంబంధించిన పిక్స్‌ను సోష‌ల్ మీడియాలో పోస్ట్ చేసింది. ఆ పిక్స్‌ను చూస్తే ఎవ్వ‌రైనా పూర్ణ‌కు దాసోహం అవ్వాల్సిందే. ఎందుకంటే, అంత అందంగా ఆమె మెరిసిపోతుంది. ఈ నేప‌థ్యంలోనే పూర్ణ తాజా పిక్స్ నెట్టింట వైర‌ల్‌గా మారాయి.
