Ram Charan: డైరెక్టర్ శంకర్ గురించి ప్రత్యేకంగా చెప్పనవసరం లేదు. తమిళ ఇండస్ట్రీకి చెందిన దర్శకుడు అయినా గాని ఆల్ ఇండియా స్థాయిలో గుర్తింపు సంపాదించారు. ఎస్ఎస్ రాజమౌళి కంటే ముందుగానే శంకర్ సినిమాలకు దేశస్థాయిలో మంచి గుర్తింపు ఉంది. ప్రస్తుతం శంకర్ రామ్ చరణ్ తో “గేమ్ చేంజర్” అనే సినిమా చేస్తున్నారు. ఈ సినిమా సెప్టెంబర్ లేదా అక్టోబర్ నెలలో విడుదల కానుంది. ప్రపంచవ్యాప్తంగా ఐదు భాషల్లో రిలీజ్ చేయబోతున్నారు. దాదాపు రెండు సంవత్సరాల నుండి ఈ సినిమా షూటింగ్ జరుగుతుంది. దీంతో ఫ్యాన్స్ సినిమా విడుదల కోసం ఎంతో ఆశగా ఎదురుచూస్తున్నారు.
ఇదిలా ఉంటే శంకర్ కూతురు ఐశ్వర్య వివాహం చెన్నైలో వైభవంగా జరిగింది. అసిస్టెంట్ డైరెక్టర్ తరుణ్ కార్తికేయన్ ను ఆమె పెళ్లి చేసుకోవడం జరిగింది. ఈ వివాహ రిసెప్షన్ కి మెగాస్టార్ చిరంజీవి, రామ్ చరణ్ దంపతులు హాజరయ్యి కొత్త జంటకు శుభాకాంక్షలు తెలియజేశారు. ఇందుకు సంబంధించిన ఫోటోలు సోషల్ మీడియాలో వైరల్ అవుతున్నాయి. రామ్ చరణ్ నటించిన “RRR” మూవీ రిలీజ్ అయ్యి రెండు సంవత్సరాలు దాటిపోయింది. దీంతో శంకర్ తో చేస్తున్న సినిమా షూటింగ్ త్వరగా కంప్లీట్ కావాలని ఫ్యాన్స్ భావిస్తున్నారు. వాస్తవానికి “గేమ్ చేంజర్” షూటింగ్ ఎప్పుడో కంప్లీట్ అయ్యి ఈ పాటికి విడుదల కావాలి.
కానీ సినిమా షూటింగ్ మొదలయ్యాక కమలహాసన్ తో అంతకుముందు మొదలుపెట్టిన “ఇండియన్ 2” ప్రాజెక్ట్ మళ్ళీ స్టార్ట్ చేయాల్సి వచ్చింది. “గేమ్ చేంజర్” కి ముందు “ఇండియన్ 2” షూటింగ్ స్టార్ట్ చేసారు. షూటింగ్ 80 శాతం కంప్లీట్ అయ్యాక… నిర్మాతలకు దర్శకుడు శంకర్ కి మధ్య భేదాభిప్రాయాలు వచ్చి సినిమా ఆగిపోయింది. అలాంటి సమయంలో చరణ్ సినిమా స్టార్ట్ చేయగా మధ్యలో కమలహాసన్ నటించిన విక్రమ్ సినిమా సూపర్ హిట్ అయింది. దీంతో “ఇండియన్ 2″ షూటింగ్ మొదలు పెట్టాల్సి రావటంతో..”గేమ్ చేంజర్” సినిమా షూటింగ్ ఆలస్యం కావడం జరిగింది.