Dunki Trailer: 2018లో “జీరో” సినిమాతో అట్టర్ ప్లాప్ అందుకున్న షారుక్ ఖాన్.. దాదాపు నాలుగు సంవత్సరాలు పాటు ఏలాంటి సినిమా చేయలేదు. వరుస పరాజయాలతో కెరియర్ పరంగా గత ఏడాది వరకు షారుక్ అనేక ఇబ్బందులు ఎదుర్కొన్నారు. కానీ గ్యాప్ తీసుకుని 2023లో జవాన్, పఠాన్ సినిమాలతో బాలీవుడ్ ఇండస్ట్రీలో మర్చిపోలేని బ్లాక్ బస్టర్ ఇచ్చాడు. ఒక విధంగా చెప్పాలంటే 2023 ఏడాది షారుఖ్ ఖాన్ ది అని చెప్పవచ్చు. ఈ రకంగా రెండు విజయాలు అందుకున్న షారుక్ ఇప్పుడు ‘డంకి’ సినిమాతో డిసెంబర్ నెలలో ప్రేక్షకులను పలకరించడానికి రెడీ కావడం జరిగింది. రాజ్ కుమార్ హిర్వాణి దర్శకత్వం వహించిన ఈ సినిమాలో నిర్మాణ భాగస్వామ్యంలో కూడా షారుక్ ఉన్నారు.
ఈనెల 21వ తారీఖున పాన్ ఇండియా నేపథ్యంలో ఈ సినిమా విడుదల చేస్తున్నారు. ఈ క్రమంలో డిసెంబర్ ఐదవ తారీకు ‘డంకి’ ట్రైలర్ రిలీజ్ చేయడం జరిగింది. కామెడీ యాక్షన్ ఎమోషన్ నేపథ్యంలో స్టోరీ ఉన్నట్లు ట్రైలర్ బట్టి అర్థమవుతుంది. ‘డంకి’ ట్రైలర్ లో షారుక్ పాత్రలో.. అనేక వేరియేషన్స్ ఉన్నట్లు తెలుస్తోంది. తాప్సి, విక్కీ కౌశల్, బోమన్ ఇరానీ.. ముఖ్యమైన పాత్రలలో కనిపించడం జరిగింది. ప్రీతం.. బాణీలను.. సమకూరుస్తే అమ్మన్ పంత్ సంగీతం అందించడం జరిగింది. ట్రైలర్ చాలా బాగా ఆకట్టుకోవడం జరిగింది. ఈ ఏడాది రెండు సినిమాలతో కొత్త రికార్డులను సృష్టించిన షారుక్ ఖాన్..’డంకి’తో ఎలాంటి రికార్డులు క్రియేట్ చేస్తాడో అన్నది ఆసక్తికరంగా మారింది. షారుక్ ఖాన్ వాయిస్ ఓవర్ తో.. మొదలైన ఈ ట్రైలర్ నిడివి మూడు నిమిషాల పాటు సాగింది. ట్రైలర్ లో స్టోరీ ఏంటో చాలా అర్థవంతంగా చెప్పేశారు.
గ్రామీణ యువకుడిగా ఉన్న షారుఖ్ ఖాన్ ఇంగ్లీష్ నేర్చుకుని లండన్ లో స్థిరపడాలనే పాత్ర చేయడం జరిగింది. ఈ క్రమంలో అతనితో పాటు మరో నలుగురు స్నేహితులు లండన్ వెళ్ళటం కోసం ఇంగ్లీష్ నేర్చుకోవడానికి ప్రయత్నాలు చేయడంతో పాటు వీసా రాక అనేక ఇబ్బందులు ఎదుర్కోవటం.. ఎంత నవ్వును తెప్పించే సన్నివేశాలు ఉన్నట్లు తెలుస్తుంది. ఈ క్రమంలో వీసా ఇంటర్వ్యూల ఫెయిల్ కావటంతో ఎలాగైనా లండన్ వెళ్లాలని… అక్రమ మార్గం ఎంచుకుంటారు. ఈ క్రమంలో ఆ గ్రామీణ యువకులు ఎదుర్కొన్న సమస్యలు వంటివి ట్రైలర్ లో సస్పెన్స్ కలిగేలా చూపించారు. కచ్చితంగా షారుక్ నటనకు హిట్ సినిమా పడిందని.. 2023..’డంకి’తో షారుఖ్ హ్యాట్రిక్ కొట్టడం గ్యారెంటీ అని ట్రైలర్ కి రెస్పాన్స్ వస్తోంది.