Rana Naidu: కరోనా తర్వాత ఎంటర్టైన్మెంట్ ఫీల్డ్ దిశా దశ పూర్తిగా మారిపోయిన సంగతి తెలిసిందే. చాలావరకు సినిమా ధియేటర్ల కంటే ఓటీటీ లకు…అలవాటు పడటం జరిగింది. ఇదే సమయంలో వెబ్ సిరీస్ లకీ ఎంటర్టైన్మెంట్ లవర్స్ ఎక్కువ ఇంట్రెస్ట్ చూపిస్తున్నారు. దీంతో బాలీవుడ్ మొదలుకొని సౌత్ ఫిలిం ఇండస్ట్రీ వరకు చాలామంది పెద్దపెద్ద స్టార్స్ వెబ్ సిరీస్ చేయడానికి కూడా ముందుకొస్తున్నారు. ఇదిలా ఉంటే దగ్గుబాటి ఫ్యామిలీ హీరోస్ విక్టరీ వెంకటేష్ మరియు రానా కలిసి “రానా నాయుడు” అనే వెబ్ సిరీస్ చేయడం తెలిసిందే. ఈ వెబ్ సిరిస్ లో బలాదూర్ గా తిరిగే తండ్రి పాత్రలో వెంకటేష్ కనిపిస్తున్నాడు.
వెంకటేష్ కొడుకు పాత్రలో రానా నటిస్తున్నాడు. వీరిద్దరి మధ్య భారీ ఎత్తున గొడవలు జరుగుతున్నట్లు “రానా నాయుడు” టిజర్ వీడియోలో చూపించడం జరిగింది. ఈ వెబ్ సిరిస్ మార్చి పదవ తారీకు నెట్ ఫ్లిక్స్ లో స్ట్రీమింగ్ కానుంది. ఈ సందర్భంగా రానా మాట్లాడుతూ ఈ సినిమాలో అసభ్యకరమైన పదాలను.. హిందీ మరియు తెలుగులో అలాగే ఉంచాలని సినిమా యూనిట్ డిసైడ్ అయినట్లు స్పష్టం చేశారు. ఈ సిరీస్ వెంకటేష్ అభిమానులను ఏమాత్రం నిరుత్సాహ పరచదని.. గ్యారెంటీ ఇస్తున్నట్లు పేర్కొన్నారు. అదేవిధంగా కుటుంబ సమేతంగా కాకుండా ఒంటరిగా ఈ వెబ్ సిరీస్ చూడాలని రానా సూచించారు.
ఇక ఇదే సమయంలో వెంకటేష్ మాట్లాడుతూ రానాతో పోటీపడి నటించడం అంత సులువు కాదని చెప్పుకొచ్చారు. వాస్తవ జీవితంలో బాబాయి అబ్బాయి మాదిరిగా కాకుండా స్నేహితుల మాదిరిగా ఉంటామని తెలిపారు. అదేవిధంగా సినిమాలో నటించడానికి వెబ్ సిరీస్ లో నటించడానికి చాలా తేడా ఉందని చెప్పుకొచ్చారు. ఈ వెబ్ సిరీస్ లో ఒకరటే మరొకరికి పడని తండ్రి కొడుకులు మాదిరిగా నటించడం చాలా కష్టం అనిపించింది. ఇదే సమయంలో ఇద్దరికీ కూడా ఈ వెబ్ సిరీస్ కొత్తగా ఉందని వెంకటేష్ తెలిపారు.