వైఎస్ఆర్ టీపీ అధినేత్రి వైఎస్ షర్మిల మరో సారి అరెస్టు

వైఎస్ఆర్ టీపీ అధినేత్రి వైఎస్ షర్మిలను మరో సారి పోలీసులు అరెస్టు చేశారు. ఆమె నిరసన కార్యక్రమాన్ని భగ్నం చేశారు. తన పాదయాత్రకు పోలీసులు అనుమతి ఇవ్వకపోవడంపై నిరసనగా షర్మిల ట్యాంక్ బండ్ అందేద్కర్ విగ్రహం వద్ద ఆమరణ దీక్షకు దిగారు. ఆందోళనకు అనుమతి లేదంటూ వెంటనే పోలీసులు అక్కడకు చేరుకుని షర్మిల దీక్షను భగ్నం చేశారు. షర్మిల అరెస్టునకు పోలీసులు ప్రయత్నిస్తున్న సందర్భంలో పార్టీ కార్యకర్తలు ప్రభుత్వానికి వ్యతిరేకంగా నినాదాలు చేస్తూ అడ్డుకోవడంతో ట్యాంక్ బంద్ వద్ద ఉద్రిక్త పరిస్థితి నెలకొంది.

సజ్జల: షర్మిల కోసమా..! కేసిఆర్ కోసమా..! ఈ మౌనం వెనుక అర్ధం ఏమిటి..?

ఈ సందర్భంగా షర్మిల మీడియాతో మాట్లాడుతూ శాంతియుతంగా దీక్షచేస్తుంటే అరెస్టు చేస్తారా అంటూ ఆగ్రహం వ్యక్తం చేశారు. ప్రజా స్వామ్యాన్ని కేసిఆర్ ఖూనీ చేస్తున్నారని అన్నారు. కేసిఆర్ పదేపదే తప్పులు చేస్తున్నారనీ, కేసిఆర్ పతనానికి ఇదే నాంది అని అని షర్మిల వ్యాఖ్యానించారు. పెద్ద ఎత్తున పోలీసు బలగాలను చుట్టుముట్టి ఆమెను అరెస్టు చేసి పోలీస్ వాహనంలో తరలించారు. ఇటీవల వరంగల్లు జిల్లాలో ఆమె పాదయాత్ర చేస్తున్న సమయంలో టీఆర్ఎస్ వర్గీయులు అడ్డుకుని ఆమె వాహనంపై దాడి చేసిన సంగతి తెలిసిందే. అక్కడ ఉద్రిక్త పరిస్థితులు నెలకొనడంతో పోలీసులు ఆమె పాదయాత్రను నిలువరించి అరెస్టు చేసి హైదరాబాద్ తరలించారు.

ఆ మరుసటి రోజు షర్మిల ప్రగతిభగన్ ముట్టడికి బయలుదేరగా మరో సారి అరెస్టు చేశారు. ఆమె వాహనంలోనే ఉండగా పోలీసులు క్రైన్ సహాయంతో పోలీస్ స్టేషన్ కు తరలించడం తీవ్ర సంచలనం అయ్యింది. పలు సెక్షన్ల పై ఆమెపై పోలీసులు కేసు నమోదు చేసి కోర్టు కు హజరుపర్చగా మెజిస్ట్రేట్ రిమాండ్ రిపోర్టును తిరస్కరించి బెయిల్ మంజూరు చేశారు. ఆ క్రమంలోనే తన పాదయాత్ర కొనసాగింపునకు హైకోర్టును ఆశ్రయించగా షరతులతో హైకోర్టు పాదయాత్రకు గ్రీన్ సిగ్నల్ ఇచ్చింది. అయితే వరంగల్లు పోలీస్ కమిషనర్ మాత్రం షర్మిల పాదయాత్రలో రెచ్చగొట్టే ప్రసంగాలు చేస్తున్న నేపథ్యంలో శాంతి భద్రతల సమస్య తలెత్తే ప్రమాదం ఉందంటూ పాదయాత్రకు అనుమతి నిరాకరించారు. ఈ క్రమంలో షర్మిల మరో సారి నిరసన కార్యక్రమానికి దిగడంతో మరో సారి అరెస్టు చేశారు.

TRS to BRS: తెలంగాణలో కాంగ్రెస్ పతనానికి బీజం పడి పదమూడు ఏళ్ళు

Big Breaking

లోటస్ పాండ్ వద్ద టెన్షన్ టెన్షన్

రోడ్డుపై బైఠాయించిన వైఎస్ షర్మిల గారు

పార్టీ కార్యాలయం కి వస్తున్న కార్యకర్తలను ఎలా అరెస్ట్ చేస్తారంటూ ఆగ్రహం pic.twitter.com/94wBkDBOh3

— 𝐘𝐒𝐑𝐓𝐏 (@YSSR2023) December 9, 2022

కెసిఆర్ ప్రజాస్వామ్యాన్ని మళ్ళీ కూని చేస్తున్నాడు. pic.twitter.com/eLpwfgUo4f

— 𝐘𝐒𝐑𝐓𝐏 (@YSSR2023) December 9, 2022