Guppedantha manasu :బుల్లితెర ప్రేక్షకులను ఎంతగానో అలరిస్తున్న గుప్పెడంత మనసు సీరియల్ రోజుకో సరికొత్త మలుపు తిరుగుతూ విశేషంగా ప్రేక్షకులను అలరిస్తూ 572 వ ఎపిసోడ్ లోకి ఎంటర్ అయింది. ఇక ఈరోజు అక్టోబర్ 05న ప్రసారం కానున్న గుప్పెడంత మనసు సీరియల్లో ఏమి జరిగిందో ముందుగా తెలుసుకుందాం. గత ఎపిసోడ్ లో రిషి ’గురుదక్షిణ ఒప్పందం గురించి మహేంద్ర దగ్గర కాస్త ఎమోషనల్ అవుతాడు.వసుధార నాకు కావాలి డాడ్.. ఎలాంటి ఒప్పందాలు షరుతులు లేని వసుధార నాకు కావాలి.. తనకి మీరైనా చెప్పండి’ అంటాడు. ఎవరి పక్కన నుంచోవాలి అని మహేంద్ర తనలో తానే ఆలోచనలో పడతాడు.
వసును చాటుగా వీడియో తీస్తున్న రిషి :
ఈ క్రమంలోనే నేటి ఎపిసోడ్ మరింత ఆసక్తికరంగా ముందుకు సాగిందనే చెప్పాలి.. వసు రిషి క్యాబిన్ లోకి వెళ్లి రిషి కూర్చుని సీట్‌లో కూర్చోవడం, తనలో తను మాట్లాడుకోవడం అన్ని కూడా రిషి చాటుగా వీడియో తీస్తూ ఉంటాడు. సరిగ్గా అప్పుడే రిషికి ఫోన్ రావడంతో ఆ సౌండ్‌కి వసు షాక్ అవుతుంది. వెంటనే మళ్లీ కలుస్తాను సార్’అంటూ వసు నవ్వుకుంటూ అక్కడ నుండి ఎస్కేప్ అవుతుంది.
వసుధారను ఫాలో అయిన రిషి :
మరొక సీన్ లో మహేంద్ర, జగతీ మాట్లాడుకుంటూ ఉండగా రిషి వచ్చి వసుధార ఎక్కడా? మీరు సైట్ విజిట్‌కి వెళ్లలేదా మేడమ్’ అంటాడు. ‘జగతీకి కొంచెం హెల్త్ బాలేదు అని ఆఫీస్ వాళ్లు ఏదో టూవీలర్ ఇస్తే దాని మీద వసు ఒక్కర్తే వెళ్లింది’ అని చెబుతాడు మహేంద్ర. అలా ఎలా ఒక్కదాన్నే పంపించారు..అంత దూరం వసుధార ఒక్కర్తే ఎలా వెళ్తుంది?’ అంటూ కోపంగా అక్కడనుంచి వసుకి కాల్ చేస్తూ తనను ఫాలో అవుతూ కారులో బయలుదేరతాడు. వసు లొకేషన్‌కి వెళ్లాక రిషి మిస్డ్ కాల్ చూసుకుని కాల్ చేసే లోపే రిషి వసు వెనుకే ఉంటాడు. అలా ఇద్దరు కాసేపు మాట్లాడుకుంటూ అక్కడ లోకల్ వాలంటీర్లతో డిస్కషన్ చేస్తారు.
సాక్షి,వసు కాకుండా మరొక అమ్మాయితో రిషి పెళ్లి :
సీన్ మళ్ళీ దేవయాని దగ్గర ఓపెన్ అవుతుంది.ఒంటరిగా కూర్చున్న మహేంద్ర దగ్గరకు దేవయాని కాఫీ ఇచ్చి తాగమంటుంది. ‘ఏంటి మహేంద్రా సంగతులు’ అంటూ వెటకారంగా మాట్లాడుతుంది. అయిపొయింది ఏదో అయిపొయింది. నువ్వు వసుధారని మరిచిపో. నేను సాక్షీని మరిచిపోతా.. వాళ్ళ ఇద్దరు వద్దు రిషికి ఒక మంచి సంబంధం చూసి ఘనంగా పెళ్లి చేద్దాం అందుకు రిషిని ఒప్పించు అంటుంది. అంతా విన్న మహేంద్ర కోపంగా ఆ పని ఏదో మీరే చేయొచ్చుగా’ అంటాడు.ఇక దేవయాని మాత్రం ఏప్పుడు ఏం చెయ్యాలో నాకు తెలుసులే మహేంద్ర.ఎంత అయినా రిషికి తండ్రివి కదా.. బాధ్యత నీకు అప్పగిస్తున్నా ముందు ఆ పని చెయ్ అంటూ పొగరుగా అక్కడ నుంచి వెళ్తుంది. ఇంతలో జగతి రావడంతో ‘మహేంద్రతోనే సారీ చెప్పించుకోగలిగిన నేను ఏదైనా చేయగలను అని గుర్తుంచుకో జగతీ’ అంటూ వార్నింగ్ ఇచ్చిపోతుంది. దాంతో జగతీ మళ్ళీ ఏ ప్లాన్ చేస్తుందో అని కంగారు పడుతూ మహేంద్ర దగ్గరకు వెళ్తుంది.
