ప్రస్తుతం తినే ఆహారంలో ఎక్కువ కొవ్వు పదార్థాలు ఉండటం వల్ల బరువు సమస్యలు పెరుగుతున్నాయి. దీనితో చాలా మంది ఎన్నో రకాల వ్యాయామాలు, డైటింగ్ లు వంటివి చేస్తుంటారు. కాని దాని వల్ల ఫలితాలు ఎక్కువగా కనిపివ్వవు. ఇలాంటివి చేసే వాటికంటే మన ఇంట్లో దొరికే సహజమైన ప్రకృతి వనరులతో ఆరోగ్యాన్ని కాపాడుకోవచ్చు.అందులో ఒకటి కలబంద గుజ్జు.
కలబంద గుజ్జు వల్ల ఆరోగ్యానికి సంబంధించిన ఎన్నో ఉపయోగాలు ఉన్నాయని వైద్య నిపుణులు తెలిపారు. ఆకుపచ్చని రంగులో, ముళ్లులతో కూడిన ఈ కలబంద రసంతో శరీరాన్ని ఎంతో మేలు చేస్తుంది. అంతేకాకుండా కలబందతో ఆయుర్వేద ఔషధాలను, శరీర చర్మంకు సంబంధించిన క్రీములను తయారు చేస్తారు. అంతేకాకుండా బరువు సమస్యలు రాకుండా కూడా కాపాడుతుంది.
కలబందలో ఎక్కువగా విటమిన్స్, మినరల్స్ ఉంటాయి. దీని వల్ల ఆరోగ్యం మొత్తానికి సహాయపడుతుంది. ఇందులో ఉండే యాంటీ ఆక్సిడెంట్లు వలన రోగనిరోధకశక్తిని పెంచుతుంది. ఇందులో ఉన్న ప్రోటీన్లు ఎముకల దృఢత్వంకు, శరీర శక్తి కు సహాయపడుతుంది. ప్రతిరోజూ కలబంద రసం తీసుకుంటే బరువు తగ్గవచ్చు. ఈ జ్యూస్ చేదుగా ఉంటుంది కాబట్టి నిమ్మరసం,తేనె కలుపుకోవచ్చు. అంతే కాకుండా ప్రతి రోజు ఉదయాన్నే పరగడుపున కలబంద గుజ్జును మింగితే శరీరంలో ఉన్న వేడి మీ అంత తొలగిపోతుంది.
కలబంద గుజ్జు ఆరోగ్య సమస్యలకే కాకుండా శరీర చర్మ సౌందర్యాలకు, ఒత్తయిన జుట్టుకు చాలా సాయపడుతుంది. చర్మ సంబంధించిన ఏవైనా నల్ల మచ్చలు వంటివి ఉంటే కలబంద గుజ్జులో పసుపు కలుపుకుని శరీరానికి రాసుకుంటే చర్మం మృదువుగా మారి, నల్ల మచ్చలు కూడా తొలిగిపోతాయి. అంతే కాకుండా కలబంద గుజ్జుని జుట్టుకు పట్టిస్తే జుట్టు కుదుళ్ల భాగం బలంగా మారుతుంది. ఈ విధంగా కలబంద గుజ్జు వల్ల ఆరోగ్య సమస్యలే కాకుండా ఇతర రకాల సమస్యలు కూడా తొలగిపోతాయి కాబట్టి కలబంద మొక్కను ఇంట్లో పెంచుకొని సహజమైన ఔషధగుణాలను తయారు చేసుకోవచ్చు.