నల్ల మిరియాలు సుగంధ ద్రవ్యాలలో ఒకటి. వీటిని సుగంధ ద్రవ్యాల రారాజు అని కూడా పిలుస్తారు. అంతటి గొప్ప ఔషధ గుణాలు ఉన్న నల్ల మిరియాలు కలిగి ఉంటాయి. ఇందులో యాంటీ మైక్రోబియల్, యాంటీబ్యాక్టీరియల్ లక్షణాలు అధికంగా ఉన్నాయి. ఇవి అనేక రకాల ఇన్ఫెక్షన్ల నుంచి మనల్ని కాపాడుతూ, మన శరీరానికి సరిపడినంత రోగనిరోధక శక్తిని మెరుగుపరుస్తుంది. నల్ల మిరియాలను తరుచు మన వంటకాలలో మసాలా దినుసులుగా వాడుతుంటారు. అంతేకాకుండా మిరియాల టీ తాగడం వల్ల ఎన్నో సమస్యల నుంచి విముక్తి పొందవచ్చు అని ఆయుర్వేద నిపుణులు చెబుతున్నారు. నల్ల మిరియాలను వాడడం వల్ల ఎలాంటి ప్రయోజనాలు కలుగుతాయో ఇక్కడ తెలుసుకుందాం.
నల్ల మిరియాలు, పసుపుతో కలిపి కొద్దిగా గోరువెచ్చని పాలలో కలుపుకొని ప్రతి రోజు తాగడం వల్ల క్యాన్సర్ నుంచి విముక్తి పొందవచ్చు. ఇందులో యాంటీ ఆక్సిడెంట్లు విటమిన్ ఏ ఉండడంవల్ల క్యాన్సర్, ఇతర ప్రాణాంతక వ్యాధుల నుంచి మనల్ని రక్షిస్తుంది.
కరోనా లక్షణాలైన జలుబు, దగ్గు గొంతు నొప్పి వంటి సమస్యలతో బాధపడేవారు మిరియాలను నీటిలో బాగా మరిగించి ఆ నీటిని త్రాగడం ద్వారా జలుబు గొంతునొప్పి వంటి ఇన్ఫెక్షన్ల నుంచి విముక్తి కలుగుతుంది. అంతేకాకుండా జీవక్రియ రేటును మెరుగుపరిచి మలబద్ధకాన్ని నివారిస్తుంది.
అధిక బరువుతో బాధపడే వారు నల్ల మిరియాలను వారి ప్రతి రోజు ఆహారంలో చేర్చుకోవడం వల్ల అధిక బరువును తగ్గించుకోవడానికి ఎంతో సహాయపడుతుంది. ఇందులో ఫైటోన్యూట్రియెంట్స్ అధికంగా ఉండటం వల్ల ఇవి మన శరీరంలో అదనపు కొవ్వు ను విచ్ఛిన్నం చేయడంతో తొందరగా బరువు తగ్గటానికి ఉపయోగపడుతుంది.
అంతేకాకుండా దీర్ఘకాలిక కీళ్ల నొప్పులతో బాధపడేవారు నల్ల మిరియాలను తీసుకోవడం ద్వారా కీళ్ల నొప్పుల నుంచి ఉపశమనం కలుగుతుంది. ఈ నల్లమిరియాలను మన ఆహారం పదార్థాలలో ప్రతిరోజూ తీసుకోవడం వల్ల ఇన్ని ఆరోగ్య ప్రయోజనాలను పొందవచ్చు.
