Immunity Booster: ప్రతి ఒక్కరు తప్పకుండా రోగ నిరోధక శక్తిని పెంచుకోవాలి. రోజు మనం లేవగానే ఉదయం చేయవలసిన ముఖ్యమైన పని ఇదే.. ప్రతి సీజన్ లో వచ్చే అనేక రకాల వైరస్ లను ఎదుర్కోవాలంటే శరీరంలో యాంటీ ఆక్సిడెంట్స్ పెంచుకోవాలి.. పరగడుపున వీటిని తీసుకోవటం వలన రోగ నిరోధక శక్తి పెరుగుతుంది.. అవేంటో ఇప్పుడు తెలుసుకుందాం..!!
Immunity Booster: రోగ నిరోధక శక్తి పెరగాలంటే పరగడుపున ఇవి తినండి..!!
తేనె:
ప్రతి రోజూ ఉదయం ఒక గ్లాసు గోరు వెచ్చని నీటిలో చెంచా తేనె కలుపుకొని తాగాలి. ఇలా తాగటం వలన మన రోగ నిరోధక శక్తి పెరుగుతుంది. అలాగే బరువు తగ్గుతారు. దగ్గు తగ్గుతుంది. ఇంకా చర్మ సంబంధిత సమస్యల బారిన పడకుండా చేస్తుంది. తేనె చక్కటి ఇమ్యూనిటీ బూస్టర్ గా పని చేస్తుంది. గుండె ఆరోగ్యాన్ని కాపాడుతుంది.
ఉసిరి:
ఉసిరి కాయ లో విటమిన్ సి పుష్కలంగా ఉంటుంది. ఇది రోగ నిరోధక శక్తిని అందిస్తుంది. ప్రతి రోజూ ఉదయం ఉసిరి కాయ తురుమును ఒక గ్లాసు నీటిలో కలిపి తీసుకోవాలి. ఇలా చేస్తే వాత, కఫ, పిత్త దోషాలు హరిస్తాయి. ఉసిరి కాయ అన్ని సీజన్లో అందుబాటు లో ఉండదు. కాబట్టి ఉసిరి కాయల ను గింజలు తీసేసి ముక్కలు గా కట్ చేయాలి. ఈ ముక్కలను తేనె లో వేసి ఉర వేయాలి. వీటిని ప్రతి రోజు ఉదయం తింటే రోగ నిరోధక శక్తి పెరుగుతుంది. ఇది ఇమ్యూనిటీ బూస్టర్ గా పనిచేస్తుంది.
వెల్లుల్లి:
వెల్లుల్లి లో యాంటీ బ్యాక్టీరియల్, యాంటీ మైక్రో బయాల్, యాంటీసెప్టిక్ గుణాలు ఉన్నాయి. పరగడుపున గోరువెచ్చటి నీటితో ఒకటి లేదా రెండు వెల్లుల్లి ని తినాలి. ఇవి కడుపులో ఉన్న విష వ్యర్థలను తొలగిస్తాయి. వెల్లుల్లిలో ఉండే యాంటీ ఆక్సిడెంట్లు రోగ నిరోధక శక్తిని పెంపొందిస్తాయి. వీటిని ఇమ్యూనిటీ బూస్టర్ గా సూచిస్తారు ఆరోగ్య నిపుణులు. బరువు తగ్గడానికి వెల్లుల్లి అద్భుతంగా సహాయపడుతుంది.
