Bigg Boss Telugu OTT: బిగ్ బాస్ సీజన్ ఫైవ్ ముగిసిన వెంటనే రెండు నెలల్లోనే బిగ్ బాస్ ఓటిటి ప్రారంభం కావటం బిగ్ బాస్ అభిమానులను ఎంతగానో అలరిస్తోంది. డిస్నీ హాట్ స్టార్ లో ఫిబ్రవరి 26వ తారీకు గ్రాండ్ గా ప్రారంభమైంది. 17 మంది కంటెస్టెంట్ లు హౌస్ లోకి ఎంట్రీ ఇచ్చారు. వీరిలో 8 మంది మాజీ కంటెస్టెంట్ లు ఉండగా.. తొమ్మిది మంది కొత్త వాళ్లు ఎంట్రీ ఇచ్చారు. బిగ్ బాస్ సీజన్ ఫోర్ కంటెస్టెంట్ రన్నర్ అఖిల్ కూడా మళ్లీ రీ ఎంట్రీ ఇవ్వడం జరిగింది.
ఈసారి కచ్చితంగా రన్నర్ కాదు విన్నర్ అవుతాను అంటూ హౌస్ లో మంచి జోష్ తో అడుగు పెట్టాడు. టాస్కులు ఏమి మొదలు కానీ ఈ సమయంలో అందరు కలిసి పోయి ఉండగా… మాజీ కంటెస్టెంట్ లను వారియర్స్ జట్టు గా… కొత్తవాళ్లను చాలెంజర్స్ గా రెండు జట్లను బిగ్ బాస్ విభజించటం జరిగింది. ఈ రీతిగా ఇరు జట్ల మధ్య అప్పుడే గొడవలు… పెట్టడానికి బిగ్ బాస్ రెడీ కావడం జరిగింది.
కాగా చాలెంజర్స్ టీం లో సభ్యుడు ఆర్జె చైతు… అఖిల్ పై సెటైర్ వేసాడు. మేటర్ లోకి వెళ్తే శ్రీ రాపాక.. బిగ్ బాస్ షో అయిపోయిన తర్వాత.. బయట ఓ సినిమా నిర్మించటం జరుగుతుందట. అందులో నువ్వు సైకో క్యారెక్టర్ చేయాలి అంటూ అఖిల్ నీ ఆర్జె చైతు.. అనటంతో మనోడికి ఒక్కసారిగా చిర్రెత్తింది. సోది టాపిక్ అని … ఆ గ్యాంగ్ నుండి పక్కకు వెళ్ళిపోయాడు. ఆ తర్వాత అషు రెడ్డి దగ్గర.. అఖిల్ తన కోపాన్నంతా వెళ్లగక్కాడు. చైతు మీద చిర్రెత్తి పోయాడు. మరి గొడవ ఎంత వరకు దారి తీస్తుందో చూడాలి.