Shruthi Haasan: కమలహాసన్ కూతురు గా వెండితెర అరంగేట్రం చేసిన హీరోయిన్ శృతి హాసన్ మల్టీ టాలెంటెడ్ తో సక్సెస్ ఫుల్ కెరియర్ కొనసాగిస్తోంది. స్టార్ హీరోయిన్ గా దక్షిణాది సినిమా రంగంలో అనేక అవకాశాలు అందుకున్న ఈ ముద్దుగుమ్మ బాలీవుడ్ ఇండస్ట్రీలో కూడా అనేక సినిమాలు చేసి విజయాలు సొంతం చేసుకుంది. ఇదిలా ఉంటే ఇటీవల ఓ ఇంటర్వ్యూలో పాల్గొన్న శృతిహాసన్ తన తండ్రి కమల్ హాసన్… తల్లి సారిక విడిపోవటం పట్ల సంచలన కామెంట్ చేసింది. వాళ్లు విడాకులు తీసుకోవడం నాకు ఎంతగానో నచ్చిందని తెలిపింది.
ఇద్దరు వ్యక్తులు కలిసి బతికే పరిస్థితి లేని నేపథ్యంలో… గొడవలు పడి కొట్టుకుని రాజీ పడి బతికే కంటే విడిపోవటం సరైన నిర్ణయమని తెలిపింది.మా పేరెంట్స్ విడాకులు తీసుకున్న టైంలో తాను చాలా చిన్న పిల్లని… వాళ్లు విడిపోయిన తర్వాత చాలా సంతోషం వేసింది అని అప్పటి పరిస్థితుల గురించి తనదైన శైలిలో శృతిహాసన్ చెప్పుకొచ్చింది. విడాకులు తీసుకున్న తర్వాత ఇద్దరు మాట్లాడు కోకపోయినా గానీ తల్లిదండ్రులుగా తన జీవితంలో వాళ్ళు ఇద్దరు ప్రముఖ పాత్ర పోషిస్తారని తెలిసింది.
Read More: Kamal Hassan: కమల్ హాసన్ కథ కంచికి చేరిపోయినట్లే
ఇద్దరూ కూడా ఎంతగానో ప్రేమగా చూసుకుంటారు అని స్పష్టం చేసింది. అప్పట్లో కమల్ హాసన్ సారిక డేటింగ్ చేసుకుని పెళ్లి చేసుకోవడం జరిగింది. 1980లో వివాహం జరుగగా 1986లో శృతిహాసన్ పుట్టింది 1991లో అక్షరహాసన్ జన్మించింది. ఆ తరువాత 2004లో కమల్ సారికా కి విడాకులు ఇచ్చారు. తరువాత గౌతమితో సహజీవనం చేసిన కమల్ హాసన్ ఆమెకు కూడా ఇటీవల విడాకులు ఇవ్వడం జరిగింది.