సింధు వర్కవుట్ చూస్తే..!

(న్యూస్ ఆర్బిట్ డెస్క్)

హేమాహేమీలతో తలపడి ప్రపంచ ఛాంపియన్ కావాలంటే మామూలు  మాటలు కావు. దాని వెనుక ఎంత కఠోర శ్రమ ఉంటుందో ఊహించుకోవాల్సిందే. ఇండియాకు ప్రపంచ ఛాంపియన్ షిప్ సాధించిపెట్టిన బ్యాడ్మింటన్ స్టార్ పివి సింధు వర్కవుట్ చూస్తే మతి పోవాల్సిందే. పారిశ్రామికవేత్త ఆనంద్ మహీంద్రాకు కూడా అలాగే మతి పోయింది.

ఆ వర్కవుట్ చూస్తేనే తాను అలసిపోయానని మహింద్రా ట్వీట్ చేశారు. ట్విట్టర్‌లో యాక్టివ్‌గా ఉండే  ఆనంద్ మహింద్రా సింధు వర్కవుట్ వీడియో ఒకటి పోస్టు చేశారు. హైదరాబాద్‌లోని సుచిత్ర బ్యాండ్మింటన్ అకాడెమీలో సింధు వ్యాయామం చేస్తుండగా తీసిన వీడియో అది.

Brutal. I’m exhausted just watching this. But now there’s no mystery about why she’s the World Champ. A whole generation of budding Indian sportspersons will follow her lead & not shrink from the commitment required to get to the top… pic.twitter.com/EYPp677AjU

— anand mahindra (@anandmahindra) August 27, 2019

కఠోరం. చూస్తేనే నాకు అలసట వచ్చేసింది. అయితే ఆమె ప్రపంచ ఛాంపియన్ షిప్ వెనుక గుట్టు మాత్రం తెలిసిపోయింది. ఓ తరం క్రీడాకారులు మొత్తం ఉన్నతస్థాయికి వెళ్లడానికి కావాల్సిన శ్రమకు వెరవకుండా సింధు ఆదర్శంగా కష్టపడతారు అని మహింద్రా ట్వీట్ చేశారు.

జపాన్ స్టార్ నొజోమి ఒకుహరాను 21-7, 21-7తో ఓడించి సింధు 2019 ప్రపంచ ఛాంపియన్ షిప్ సాధించింది. ఇండియాకు ఈ గౌరవం దక్కడం ఇదే మొదటిసారి.