Non Veg : శరీరం లో కణాలు ఏర్పడడానికి ప్రోటీన్ అవసరం చాలానే ఉంటుంది . కణాలని, కణజాలాలని మరమ్మత్తు చేయడానికి ప్రోటీన్ తీసుకోవాలి. జంతువుల నుండి పొందే ప్రోటీన్ శరీరానికి మంచిది అని చాలా మంది అంటుంటారు. మరి కోడి , చేప మటన్ ల లో ఏ ప్రోటీన్ మనశరీరాని అవసరమో తెలుసుకుందాం.
కోడి మాంసం లో ప్రోటీన్ శాతం చాలాఎక్కువగా ఉంటుంది . కానీ ఏదైనాకూడా మరి ఎక్కువగా తినకూడదనిగుర్తుపెట్టుకోవాలి. ప్రోటీన్ శాతం ఎక్కువగా ఉండే చికెన్ తినడానికి అందరూ ఇష్టపడతారు. కానీ ఫౌల్ట్రీ ఫాం లో పెంచే కోళ్ళ కి ఇచ్చే మందుల కారణం గా చికెన్ కి దూరంగా ఉంటున్నారు. ఆరోగ్యకరమైన చికెన్ శరీరానికి మంచి ప్రోటీన్ అందేలా చేస్తుంది. ఇంజెక్షను ఇవ్వడం వలన కోళ్ళు అనుకున్న దానికంటే ఎక్కువ లాభాన్ని తేవచ్చు.. కానీ వాటిని ఆహారం గా తీసుకునే వాళ్ళ ఆరోగ్యానికి తీవ్ర నష్టం కలుగుతుంది.
చేపల లో కూడా ప్రోటీన్ ఎక్కువగా ఉంటుంది. కాని చేపల ని కూడా ఇంచుమించు గా ఇలానే పెంచుతారు. చేపల చెరువు ల్లో మందు పదార్థాలు వంటివి కలపడం, దిగుబడి ఎక్కువ రావడం కోసం రసాయనాలు వాడుతుంటారు. అందువల్ల చేపలు తినాలనుకుంటే మంచి నీటి చేపల కి ప్రాముఖ్యత ఇవ్వడంమంచిది. చేపల ప్రియులు గుర్తు పెట్టుకోవలిసిన మరో ముఖ్య విషయం ఏమిటంటే.. సముద్రంలో దొరికే చేపల్లో లోహాలు ఉంటాయి. ఆర్సెనిక్, పాదరసం వంటివి ఉంటాయి. అందుకే చేప లని ఎక్కువగా తినేవారు ఈ విషయాన్నిగుర్తువుంచుకోవాలి .
ఇక మటన్ విషయానికి వస్తే … ఇది శరీరానికి చాలా మేలు చేస్తుంది అనే చెప్పాలి. అందరూ అనుకుంటున్నట్టు ఇది కొవ్వును పెంచదు. కొవ్వును కరిగిస్తుంది. ఇందులో ఉండే స్టెరిక్ ఆమ్లం కొవ్వును కరిగిస్తుంది. కాబట్టి ప్రోటీన్లు కలిగిన మాంసం తినాలనుకున్నపుడు పై విషయాలు గుర్తు పెట్టుకుని మీకు కావలిసింది తినండి .