RGV: డైరెక్టర్ రాంగోపాల్ వర్మ ఏది తీసిన సంచలనమే. కాంట్రవర్సి కేరాఫ్ అడ్రస్ గా ఆర్జివి పేరు ఎలక్ట్రానిక్ అదేవిధంగా సోషల్ మీడియాలో మారుమోగుతూ ఉంటుంది. సమాజంలో సున్నితమైన అంశాలను తెరకెక్కించడంలో స్పెషలిస్ట్ గా పేరు తెచ్చుకున్న రాంగోపాల్ వర్మ తాజాగా తెలంగాణ రాజకీయ నేతలు కొండా దంపతుల జీవిత కథతో.. “కొండా” అనే సినిమా తెరకెక్కించడం జరిగింది. కొండా మురళి, కొండా సురేఖ ఇద్దరు జీవిత కథ ఆధారంగా తెరకెక్కిన ఈ సినిమా ఈ నెల 23వ తారీకు విడుదల కానుంది. ఈ నేపథ్యంలో “కొండా” సినిమాకి సంబంధించి ప్రీ రిలీజ్ వేడుక ఈ నెల 18వ తారీకు వరంగల్ లో ప్లాన్ చేయడం జరిగింది.
- Read the latest news in Telugu from AP and Telangana’s most trusted news website.
- Follow us on facebook , Twitter , instagram and Googlenews
ఖుష్ మహల్ గ్రౌండ్ లో 18న సాయంత్రం 6.30 గంటలకు ఈ కార్యక్రమం జరగనుంది. ఈ వేడుకకు ముఖ్య అతిథిగా తెలంగాణ కాంగ్రెస్ పార్టీ పీసీసీ చీఫ్ రేవంత్ రెడ్డి హాజరుకానున్నారు. స్వయంగా ఈ విషయాన్ని రామ్ గోపాల్ వర్మ ట్విట్టర్ వేదికగా తెలియజేశారు. ప్రీరిలీజ్ ఈవెంట్ కు వస్తున్న తన మిత్రుడు, తెలంగాణ సింహం రేవంత్ రెడ్డికి ‘కొండా’ సినిమా యూనిట్ తరపున కృతజ్ఞతలు తెలుపుతున్నానని రాంగోపాల్ వర్మ పోస్ట్ పెట్టారు. ఈ పోస్ట్ సోషల్ మీడియాలో వైరల్ గా మారింది.
ఇదిలా ఉంటే తెలంగాణ ముఖ్యమంత్రి టిఆర్ఎస్ పార్టీ అధినేత కేసీఆర్ బయోపిక్ కూడా చేసే ఆలోచన ఉన్నట్లు గతంలో ఆర్జీవి కామెంట్లు చేయడం జరిగింది. రాజకీయంగా వచ్చే ఏడాది తెలంగాణలో అసెంబ్లీ ఎన్నికలు జరగనున్న నేపథ్యంలో.. ఈ టైం లో కెసిఆర్ బయోపిక్ స్టార్ట్ చేస్తే బాగుంటుందని చాలామంది అంటున్నారు. ఏది ఏమైనా సరిగ్గా ఎన్నికలకు ముందు రామ్ గోపాల్ వర్మ కొండా దంపతుల బయోపిక్ తెరకెక్కించడం అటు రాజకీయంగా ఇటూ సినిమాపరంగా సంచలనంగా మారింది.