Breaking: అనంతపురం జిల్లా టీడీపీ నేతలు జేసి బ్రదర్స్ నివాసాల్లో ఎన్‌ఫోర్స్‌మెంట్ డైరెక్టరేట్ (ఈడీ) సోదాలు నిర్వహించింది. ఈడీ అధికారులు శుక్రవారం అనంతపురం జిల్లా తాడిపత్రిలోని మాజీ ఎమ్మెల్యే జేసి ప్రభాకరరెడ్డి నివాసానికి చేరుకున్నారు. ఫోర్జరీ డాక్యుమెంట్లతో వాహనాల రిజిస్ట్రేషన్ పై ఆరా తీస్తున్నారు. జేసి ట్రావెల్స్ స్క్రాప్ కింద వాహనాలు కొనుగోలు చేసి నకిలీ ఇన్వాయిస్ తో నాగాలాండ్ లో అక్రమ రిజిస్ట్రేషన్లు చేసినట్లు ఆరోపణలు ఎదుర్కొంటున్నారు. సుమారు వందకు పైగా వాహనాలకు అక్రమ రిజిస్ట్రేషన్లు చేయించినట్లు అధికారులు భావిస్తున్నారు.
- Read the latest news in Telugu from AP and Telangana’s most trusted news website.
- Follow us on facebook , Twitter , instagram and Googlenews
ఈ అభియోగాలపై ఇంతకు ముందే కేసు నమోదు అయిన సంగతి తెలిసిందే. మరో వైపు జేసి ముఖ్య అనుచరుడు చవ్వా గోపాలరెడ్డి ఇంట్లోనూ ఈడీ అధికారులు దాడులు నిర్వహించారు. దాదాపు 20 మంది ఈడీ సిబ్బంది వారి నివాసాల్లో వివిధ రికార్డులను పరిశీలిస్తున్నట్లు సమాచారం. తాడిపత్రిలో భారీ బందోబస్తు నడుమ ఈ సోదాలు కొనసాగుతున్నాయి. ఇదే క్రమంలో హైదరాబాద్ లోని జేసీ సోదరుల నివాసాల్లోనూ ఈడీ అధికారులు సోదాలు చేపట్టినట్లు వార్తలు వినబడుతున్నాయి.
