Prabhas Yash: పాన్ ఇండియా సూపర్ స్టార్ ప్రభాస్ హీరోగా “సలార్ పార్ట్‌ 1 – సీజ్‌ఫైర్‌” డిసెంబర్ 20వ తారీకు విడుదల కాబోతున్న సంగతి తెలిసిందే. “కేజిఎఫ్” దర్శకుడు ప్రశాంత్ నీల్ ఈ సినిమాకి దర్శకత్వం వహించారు. దీంతో దేశవ్యాప్తంగా ఈ సినిమాపై భారీ అంచనాలు ఏర్పడ్డాయి. ఇప్పటికే ఈ సినిమాకి సంబంధించి విడుదలైన ట్రైలర్ అందరినీ ఆకట్టుకోవడం మాత్రమే కాదు ఉన్న అంచనాలను మరింతగా పెంచింది. ఇద్దరు స్నేహితుల మధ్య జరిగిన కథ అని ట్రైలర్ ద్వారా తెలియజేశారు. ప్రభాస్ స్నేహితుడి కోసం ఎంతటి పోరాటానికైనా దిగే పాత్రలో కనిపిస్తున్నాడు. ప్రభాస్ స్నేహితుడు పాత్రలో మలయాళ హీరో పృథ్వీరాజ్ సుకుమారన్ నటిస్తున్నాడు. ఇంకా విడుదలకు పది రోజులు మాత్రమే సమయం ఉండటంతో… ప్రమోషన్ కార్యక్రమాలు మేకర్స్ గట్టిగా ప్లాన్ చేయడం జరిగింది.
ఇదిలా ఉంటే మొదటి నుండి ఈ సినిమాలో “కేజిఎఫ్” హీరో యశ్ కూడా నటిస్తున్నట్లు ప్రచారం జరిగింది. కానీ ఈ విషయంపై సినిమా యూనిట్ ఎవరో స్పందించలేదు. కానీ లేటెస్ట్ గా.. “సలార్” లో యశ్ నటిస్తున్నట్లు చైల్డ్ సింగర్ తీర్థ సుభాష్ క్లారిటీ ఇచ్చింది. ఇటీవల ఓ ఇంటర్వ్యూలో తీరదా సుభాష్ మాట్లాడుతూ… “సలార్” సినిమాలో ప్రభాస్ మరియు పృధ్వీరాజ్ తో పాటు యశ్ కూడా నటిస్తున్నట్లు.. స్పష్టం చేయడం జరిగింది. దీంతో తీర్థ చేసిన కామెంట్స్ వీడియో సోషల్ మీడియాలో వైరల్ అవుతుంది. “సలార్” లో రాఖీ బాయ్.. ఉన్నట్లు వార్తలు రావడం పట్ల… ప్రభాస్ అభిమానులు ఫుల్ ఖుషి గా ఉన్నారు.
అయితే సినిమాలో వచ్చే ట్విస్ట్ ముందుగానే రివీల్ చేయడం పట్ల కొద్దిగా డిసప్పాయింట్ అయ్యారు. అయితే ఈ కామెంట్స్ వైరల్ కావడంతో తీర్థ సుభాష్.. మళ్లీ మాట మార్చింది. “కేజిఎఫ్” సినిమా చాలాసార్లు చూడటం జరిగింది. హీరో యశ్ నటన ఎంతగానో నచ్చింది. “కేజిఎఫ్” సినిమాతో పాటు… మ్యూజిక్ మరియు హీరో గురించి మా నాన్న చాలా సార్లు చెప్పారు. సో ఆ మాటలను బట్టి యశ్ కూడా సలార్ లో ఉంటాడని అనుకోని పొరపాటుగా.. చెప్పినట్లు వివరణ ఇచ్చింది. ఇదే సమయంలో యశ్ రోల్ గురించి చేసిన కామెంట్స్ పై తనని ట్రోల్ చేయొద్దని కోరింది.