RC16: ట్రిపుల్ ఆర్ సినిమా తర్వాత మెగా పవర్ స్టార్ గా కొనసాగుతున్న రామ్ చరణ్ గ్లోబల్ స్టార్ గా గుర్తింపు తెచ్చుకున్న సంగతి తెలిసిందే.ఈ క్రమంలో ట్రిపుల్ ఆర్ అయిపోయిందో లేదో “గేమ్ చేంజర్” అనే సినిమా చేస్తున్నారు. సౌత్ ఇండియా సంచలన దర్శకుడు శంకర్ దర్శకత్వంలో ఈ సినిమా షూటింగ్ జరుపుకొంటుంది. ఈ సినిమాపై భారీ అంచనాలు ఉన్నాయి. కాగా ఈ సినిమా షూటింగ్ ముగియకముందే రామ్ చరణ్ తన తదుపరి ప్రాజెక్ట్లను వరుసగా లైన్ లో పెడుతున్నారు. దీనిలో భాగంగా “ఉప్పెన” సినిమాతో సంచలన విజయం సాధించిన బుచ్చిబాబు సనతో కలిసి ఓ చిత్రంలో నటించబోతున్నాడు. స్పోర్ట్స్ కాన్సెప్ట్తో ఈ సినిమా షూటింగ్ జరగనున్నట్లు వార్తలు వస్తున్నాయి.
అయితే ఈ సినిమా గురించి రోజుకో వార్త సోషల్ మీడియాలో హల్ చల్ చేస్తోంది. లేటెస్ట్ గా మరో క్రేజీ న్యూస్ సోషల్ మీడియాలో హల్ చల్ చేసింది. విషయంలోకి వెళ్తే చరణ్ సినిమాలో ఓ క్రేజీ బాలీవుడ్ స్టార్ నటిస్తున్నాడట. అతను మరెవరో కాదు జాన్ అబ్రహం. ఈ వార్త పరిశ్రమ అంతటా వ్యాపించింది. రామ్ చరణ్, బుచ్చిబాబు కాంబినేషన్లో తెరకెక్కనున్న ఈ సినిమాలో జాన్ అబ్రహం కీలక పాత్ర పోషిస్తాడనే ప్రచారం ఊపందుకుంది. అయితే ఇప్పుడు ఈ ప్రాజెక్ట్లో జాన్ అబ్రహం లాంటి స్టార్ కూడా ఉండటంతో ఆయన ఎలాంటి పాత్రలో నటిస్తాడా అని అభిమానులంతా ఆసక్తిగా ఎదురుచూస్తున్నారు. అయితే ఈ విషయంపై చిత్రబృందం నుండి అధికారిక ప్రకటన రావాల్సి ఉంది.
ఇదిలా ఉంటే, ఈ చిత్రంలో సమంత, జాన్వీ కపూర్లు కూడా నటించనున్నట్లు వార్తలు వచ్చాయి. దీనిపై కూడా అధికారిక ప్రకటన రాలేదు. రామ్ చరణ్ మార్కెట్ దృష్టిలో పెట్టుకుని ఈ సినిమాని పాన్ వరల్డ్ తరహాలో బుచ్చిబాబు తీయనన్నట్టు వార్తలు వస్తున్నాయి. ఉత్తరాంధ్ర ప్రాంతానికి సంబంధించిన యాసతో కూడిన సబ్జెక్టు కలిగిన సినిమా కావటంతో ఆ ప్రాంతానికి చెందిన వారిని కూడా సినిమాలో నటించేందుకు అవకాశం కల్పిస్తున్నారు.