వ‌రుస ఫ్లాపుల‌తో స‌త‌మ‌తం అయిన మాస్ మ‌హారాజ్ రవితేజ `క్రాక్‌`తో స‌క్సెస్ ఎక్కాడు. అదే జ్యోష్‌లో వ‌రుస పెట్టి సినిమాలు చేశారు. ఈ క్ర‌మంలోనే వ‌చ్చిన చిత్రాలే `ఖిలాడి`, `రామారావు ఆన్ డ్యూటీ`. అయితే భారీ అంచ‌నాల న‌డుమ విడుద‌లైన ఈ చిత్రాలు బాక్సాఫీస్ వ‌ద్ద ఘోరంగా బోల్తా ప‌డ్డాయి.
దాంతో మ‌ళ్లీ ఫ్లాపుల్లో మునిగిపోయిన రవితేజ.. త్వ‌ర‌లోనే `ధమాకా`తో ప్రేక్ష‌కుల‌ను ప‌ల‌క‌రించ‌బోతున్నాడు. ఇందులో యంగ్ బ్యూటీ శ్రీ‌లీల హీరోయిన్‌గా న‌టిస్తోంది. త్రినాథ్ రావు నక్కిన ద‌ర్శ‌క‌త్వంలో రూపుదిద్దుకుంటున్న ఈ చిత్రాన్ని పీపుల్ మీడియా ఫ్యాక్ట‌రీ, అభిషేక్ అగ‌ర్వాల్ ఆర్ట్స్ బ్యాన‌ర్లు సంయుక్తంగా నిర్మిస్తున్నాయి.
ఇప్ప‌టికే షూటింగ్ పూర్తి చేసుకున్న ఈ చిత్రం.. ప్ర‌స్తుతం ప్రీ ప్రొడ‌క్ష‌న్ పనుల్లో బిజీగా ఉంది. అయితే నేడు వినాయ‌క చ‌వితి సంద‌ర్భంగా.. ఈ మూవీని నుంచి మేక‌ర్స్ ఓ రొమాంటిక్ గ్లింప్స్‌ను బ‌య‌ట‌కు వ‌దిలారు. ఇందులో కళ్లతో సైగలు చేస్తూ హీరోయిన్ శ్రీ‌లీల‌ను పక్కకు పిలుస్తుంటారు రవితేజ.
ఈ విడియో గ్లింప్స్ నిజంగానే రొమాంటిక్ అండ్ ప్ల‌జెంట్‌గా ఉండటంతో సినీ ప్రియుల‌ను ఆక‌ట్టుకుంటూ నెట్టింట వైర‌ల్‌గా మారింది. బ్యాక్ గ్రౌండ్ స్కోర్ ఈ గ్లింప్స్‌కు హైలైట్‌గా నిలిచింది. మ‌రి ఈ సినిమాతో అయినా రవితేజ హిట్ కొట్టి స‌క్సెస్ ట్రాక్ ఎక్కుతాడా..లేదా.. అన్న‌ది చూడాలి.