టాలీవుడ్‌లో బ్యూటీఫుల్ క‌పుల్‌గా గుర్తింపు పొందిన నాగచైతన్య-సమంత కొద్ది నెల‌ల క్రితం విడాకులు తీసుకున్న సంగ‌తి తెలిసిందే. దాదాపు ఏడేళ్ల పాటు ప్రేమించుకున్న ఈ జంట.. 2014లో వైభ‌వంగా వివాహం చేసుకున్నారు. కానీ, పెళ్లై నాలుగేళ్లు గ‌డ‌వ‌క ముందే.. వైవాహిక బంధానికి ఎండ్ కార్డ్ వేసి ఎవ‌రి దారి వారు చూసుకున్నారు.
అయితే చైతు, సామ్‌లు ఎక్క‌డికి వెళ్లినా, ఏ ఇంట‌ర్వ్యూలో పాల్గొన్నా.. వారి వ్య‌క్తిగ‌త జీవితంపై ర‌క‌ర‌కాల ప్ర‌శ్న‌లు ఎదుర‌వుతూనే ఉంటున్నాయి. తాజాగా చైతు కూడా ఇలాంటి ప‌రిస్థితే ఏర్ప‌డింది. ప్ర‌స్తుతం ఈయ‌న త‌న తొలి బాలీవుడ్ మూవీ `లాల్‌సింగ్‌ చడ్డా` ప్ర‌మోష‌న్స్‌లో జోరుగా పాల్గొంటున్నాడు.
ఆమిర్‌ ఖాన్ హీరోగా నటిస్తున్న ఈ చిత్రంలో నాగచైతన్య ఓ కీలక పాత్ర పోషించాడు. అద్వైత్ చందన్ ద‌ర్శ‌క‌త్వంలో రూపుదిద్దుకున్న ఈ చిత్రం ఆగ‌స్టు 11న హిందీ, త‌మిళ్‌, క‌న్న‌డ, తెలుగు, మ‌ల‌యాళ భాష‌ల్లో అట్టహాసంగా విడుద‌ల కాబోతోంది. అయితే ఈ మూవీ ప్రచార కార్య‌క్ర‌మాల్లో భాగంగా చైతు తాజాగా ఓ ఇంట‌ర్వ్యూలో పాల్గొన్నాయి.
అక్క‌డ `సమంత మీకు ఎదురు పడితే ఏం చేస్తారు..?` అని ప్ర‌శ్నించ‌గా.. అందుకు చైతు బ‌దిలిస్తూ షాకింగ్ కామెంట్స్ చేశాడు. సమంత నాకు ఎదురు పడితే.. ఆమెకి మొద‌ట హాయ్‌ చెబుతానని, ఆ తర్వాత గట్టిగా ఓ హగ్‌ ఇస్తానని పేర్కొన్నారు. చైతూ నుంచి అస్స‌లు ఊహించ‌ని అన్స‌ర్ రావ‌డంతో.. నెట్టింట ఆయ‌న కామెంట్స్ వైర‌ల్‌గా మారాయి.
