యువ హీరో శర్వానంద్‌ ప్రస్తుతం తమిళ చిత్రం ’96’ తెలుగు రీమేక్‌లో నటిస్తోన్న సంగతి తెలిసిందే. ఈ చిత్రంలో శర్వా వైడ్‌ లైఫ్‌ ఫోటోగ్రాఫర్‌ పాత్రను పోషిస్తున్నారు. అలాగే పాత్ర కోసం రీసెంట్‌గా ఓ రిస్కీ షాట్‌లో నటించి అందరి మన్ననలు అందుకున్నారట శర్వానంద్‌. అదేంటంటే.. స్కూబా డైవింగ్‌. చాలా ఎత్తు నుండి నీటిలోకి దూకే ఈ స్కూబా డైవింగ్‌ రిస్క్‌తో కూడుకున్నదే. ఇలాంటి ఓ జంప్‌ను కేవలం ఓరోజు మాత్రమే ట్రయినింగ్‌ తీసుకుని చేసేశాడట శర్వా. ఈ సన్నివేశాన్ని రీసెంట్‌గా మారిషష్‌లో చిత్రీకరించారు.
తమిళంలో విజయ్‌ సేతుపతి పాత్రలో శర్వానంద్‌ నటిస్తుంటే.. త్రిష పాత్రలో సమంత నటిస్తున్నారు. తమిళంలో ’96’ చిత్రాన్ని తెరకెక్కించిన సి.ప్రేమకుమార్‌ దర్శకత్వంలోనే తెలుగు వెర్షన్‌ కూడా తెరకెక్కుతోంది. ఈ చిత్రానికి ‘జాను’ అనే టైటిల్‌ పరిశీలనలో ఉంది. దిల్‌రాజు ఈ చిత్రాన్ని నిర్మిస్తున్నారు.