Anil Ravipudi: తెలుగు చలనచిత్ర రంగంలో డైరెక్టర్ అనిల్ రావిపూడి చాలా తెలివిగా సినిమాలు చేసుకుంటూ విజయాలు సాధిస్తూ కెరియర్ కొనసాగిస్తున్నారు. కుర్ర హీరోలతో పాటు సీనియర్ హీరోలతో సినిమాలు చేస్తూ తిరుగులేని విజయాలు అందుకుంటున్నారు. రీసెంట్ గా నటసింహం నందమూరి బాలయ్య బాబుతో “భగవంత్ కేసరి” అనే సినిమా చేయడం జరిగింది. ఈ సినిమాలో బాలకృష్ణనీ చాలా అద్భుతంగా వైవిధ్యంగా అనిల్ రావిపూడి చూపించాడు. దీంతో బాలయ్య కెరియర్ లోనే “భగవంత్ కేసరి” అతిపెద్ద భారీ బ్లాక్ బస్టర్ హిట్ అయింది. కలెక్షన్స్ పరంగా కూడా అనేక రికార్డులు క్రియేట్ చేయడం జరిగింది.
అనిల్ రావిపూడి తన మొదటి సినిమా “పటాస్” నుండి తన మార్క్ పంచ్ డైలాగులతో అన్ని వర్గాల ప్రేక్షకులను అలరించే విధంగా సినిమాలు చేస్తూ ఉన్నారు. చిన్నలు మొదలుకొని పెద్దల వరకు అనిల్ రావిపూడి సినిమాలు ఇష్టపడే పరిస్థితి నెలకొంది. కళ్యాణ్ రామ్, వెంకటేశ్, వరుణ్ తేజ్, మహేష్ బాబు లతో సినిమాలు చేసి సూపర్ హిట్ లో అందుకున్నారు. అయితే ఇటీవల “భగవంత్ కేసరి” సూపర్ డూపర్ హిట్ కావడంతో చిరంజీవి.. అనిల్ రావిపూడికి ఆఫర్ అవ్వటం జరిగిందట. ఆల్రెడీ ఈ ప్రాజెక్టుకు సంబంధించి జూన్ జూలై నెలలోనే చిరంజీవితో డిస్కషన్ చేయడం జరిగిందట. అయితే లేటెస్ట్ గా బాలయ్య సినిమా “భగవంత్ కేసరి” భారీ విజయం సాధించడంతో అనిల్ రావిపూడి సినిమాని చిరంజీవి ఓకే చేయడం జరిగిందంట.
దిల్ రాజు నిర్మాణ సారథ్యంలో ఈ చిత్రం తెరకెక్కనుందని సమాచారం. ప్రస్తుతం వశిష్ట దర్శకత్వంలో చిరంజీవి తన కెరియర్ లో 156వ సినిమా చేస్తున్నారు. సోషల్ ఫాంటసీ నేపథ్యంలో ఈ సినిమా షూటింగ్ జరుపుకుంటుంది. అయితే అనిల్ రావిపూడి సినిమానీ వచ్చే ఏడాది జూన్ లేదా జూలైలో మొదలుపెట్టే ఆలోచనలో చిరంజీవి ఉన్నట్లు టాక్. ఒక చిరంజీవితో మాత్రమే కాకుండా రానున్న రోజుల్లో నాగార్జునతో కూడా సినిమా చేయడానికి అనిల్ రావిపూడి రెడీ అవుతున్నట్లు ఇండస్ట్రీ వర్గాలు అంటున్నాయి.