Puri Jagannath: టాలీవుడ్ ఇండస్ట్రీలో డైరెక్టర్లలో పూరిజగన్నాథ్ స్టైలే వేరు. ఇండస్ట్రీ హిట్ సినిమాలు ఇవ్వాలంటే చాలా మంది దర్శకులు సంవత్సరాల తరబడి సినిమాలు చిత్రీకరిస్తే.. పూరి జగన్నాథ్ మాత్రం నెలలో సినిమాలు చేసి ఇండస్ట్రీ హిట్ కొట్టిన సందర్భాలు చాలా ఉన్నాయి. కెరియర్ పరంగా అనేక ఎత్తుపల్లాలు చూసిన పూరి జగన్నాథ్.. తన ఆత్మవిశ్వాసాన్ని ఎక్కడ కోల్పోడు. దాదాపు వంద కోట్లు మోసపోయిన పూరి జగన్నాథ్… తర్వాత కొద్ది రోజులకే తిరిగి పుంజుకోవటం ఇప్పుడు మళ్ళీ తన పాత పంథాలో.. స్టార్ డైరెక్టర్ గా కొనసాగిస్తూ ఉన్నాడు.
ప్రస్తుతం విజయ్ దేవరకొండ తో లైగర్ అనే పాన్ ఇండియా సినిమా చేయటం తెలిసిందే. ఈ సినిమాలో విజయ్ దేవరకొండ ని ఇంటర్నేషనల్ బాక్సర్ గా చూపిస్తున్నాడు. ఈ ప్రాజెక్టు అయిన వెంటనే తన డ్రీమ్ ప్రాజెక్ట్ జనగణమన స్టార్ట్ చేస్తున్నట్లు పూరీ జగన్నాథ్ ఇటీవల చెప్పడం తెలిసిందే. ఈ సినిమాలో కూడా దాదాపు విజయ్ దేవరకొండ హీరో అన్నట్టు బయట టాక్ వినపడుతోంది. కాగా జనగణమన తర్వాత పూరి జగన్నాథ్ ఇంటర్నేషనల్ రేంజ్ లో ఓ సినిమా తీయడానికి డిసైడ్ అయినట్లు ఇండస్ట్రీలో వార్తలు వస్తున్నాయి.
అయితే ఈ సినిమాలో ఇండియన్ ఫిల్మ్ ఇండస్ట్రీలో టాప్ మోస్ట్ క్యారెక్టర్లతో పాటు ప్రపంచవ్యాప్తంగా హాలీవుడ్ ఇంకా ఏయే దేశాలలో సినిమాలలో టాక్టర్లు ఉంటారో వారందరినీ ఈ ప్రాజెక్టులో చూపించడానికి పూరి జగన్నాథ్ ఆలోచన చేస్తున్నట్లు దానికి తగ్గట్టు స్క్రిప్ట్ రెడీ చేసినట్లు వార్తలు వస్తున్నాయి. ఇప్పటికే విజయ్ దేవరకొండ లైగర్ లో… ప్రపంచ బాక్సింగ్ ఛాంపియన్ మైక్ టైసన్ కనిపిస్తున్న సంగతి తెలిసిందే. కాగా ఇప్పుడు ఇదే తరహాలో ఇంటర్నేషనల్ నటీనటులతో సినిమా చేయడానికి స్క్రిప్టు రెడీ చేస్తున్నట్లు ఈ సినిమాని తన బ్యానర్ లోనే తెరకెక్కించాలని పూరి జగన్నాథ్ ప్లాన్ చేసినట్లు ఫిల్మ్ నగర్ టాక్.