Prabhas: డైరెక్టర్ రామ్ గోపాల్ వర్మ గురించి ప్రత్యేకంగా చెప్పనవసరం లేదు. ఒకప్పుడు ఇండియన్ ఫిలిం ఇండస్ట్రీలో టాప్ మోస్ట్ దర్శకులిగా మంచి క్రేజ్ ఉండేది. బాలీవుడ్ మొదలుకొని సౌత్ ఫిలిం ఇండస్ట్రీ వరకు రామ్ గోపాల్ వర్మతో సినిమా చేయడానికి.. బడా స్టార్ హీరోలు క్యూ కట్టే పరిస్థితి ఉండేది. అయితే రాను రాను ఆర్జీవి చేసే సినిమాలు అట్టర్ ఫ్లాప్ కావటంతో పాటు పలు వివాదాలలో చిక్కుకోవడంతో మనోడు డిమాండ్ తగ్గింది. ఇంకా పలు ఇంటర్వ్యూలలో మరియు టీవీ డిబేట్ లలో ఆర్జీవి చేసే వ్యాఖ్యలు చాలా కాంట్రవర్సీ గా ఉండటం మనం చూస్తూనే ఉన్నాం.
అటువంటి రాంగోపాల్ వర్మ.. త్వరలో ప్రభాస్ నటిస్తున్న సినిమాలో కీలక పాత్ర చేయడానికి రెడీ అయినట్లు లేటెస్ట్ గా ఇండస్ట్రీలో వార్త వైరల్ అవుతుంది. పూర్తి విషయంలోకి వెళ్తే ప్రభాస్ కెరియర్ లో అత్యంత హై బడ్జెట్ సినిమాగా నాగ అశ్విన్ దర్శకత్వంలో..” ప్రాజెక్టుకే” తెరకెక్కుతున్న సంగతి తెలిసిందే. ఈ సినిమాలో దీపికా పదుకొనే హీరోయిన్. బాలీవుడ్ బిగ్ బీ అమితాబ్ బచ్చన్ కీలక పాత్ర పోషిస్తున్నారు. అయితే తాజాగా ఇటీవల సినిమా యూనిట్ రాంగోపాల్ వర్మ ని సంప్రదించడం జరిగిందట. సినిమాలో కీలక పాత్ర చేయాలని కోరారట.
అయితే ఆ పాత్ర ఆర్జీవికి బాగా నచ్చడంతో ఓకే చెప్పినట్లు త్వరలోనే ప్రభాస్ ప్రాజెక్ట్ కె లో తన పాత్రకి సంబంధించి… షూటింగ్ పూర్తి చేయనున్నట్లు వార్తలు వస్తున్నాయి. త్వరలోనే సినిమా యూనిటీ ఈ విషయానికి సంబంధించి అధికారిక ప్రకటన చేయనున్నట్లు సమాచారం. ఇప్పటివరకు కమ్మ రాజ్యంలో కడప రెడ్లు, పవర్ స్టార్ సినిమాలలో ఆర్జీవి నటించాడు. ఈ రెండు కూడా తన దర్శకత్వంలో తెరకెక్కిన సినిమాలు. అయితే ఇప్పుడు మాత్రం నాగ్ అశ్విన్ దర్శకత్వంలో ప్రభాస్ నటిస్తున్న “ప్రాజెక్టుకే” సినిమాలో.. ఆర్జీవి రెడీ అయినట్లు వార్తలు వస్తున్నాయి.