RC 15: సౌత్ ఇండియా సెన్సేషనల్ డైరెక్టర్ శంకర్ దర్శకత్వంలో మెగా పవర్ స్టార్ రామ్ చరణ్ తేజ్ భారీ బడ్జెట్ సినిమా తెరకెక్కుతున్న సంగతి తెలిసిందే. పాన్ ఇండియా నేపథ్యంలో తెరకెక్కుతున్న ఈ సినిమాలో చరణ్ సరసన హీరోయిన్ పాత్రలో కియారా అద్వానీ నటిస్తోంది. దిల్ రాజు నిర్మిస్తున్నారు. ఈ సినిమాలో కమెడియన్ సునీల్ కూడా ఉన్నారు. తమన్ మ్యూజిక్ అందిస్తున్నారు. చరణ్ కెరీర్ లో ఇది 15 సినిమా. శంకర్ ఈ సినిమాలో చరణ్ నీ మూడు డిఫరెంట్ క్యారెక్టర్ లలో చూపిస్తున్నట్లు మొదటి నుండి వార్తలు వస్తున్నాయి.
- Read the latest news from NEWSORBIT
- Follow us on facebook , Twitter , instagram and Googlenews
అందులో ఒకటి చరణ్ ముఖ్యమంత్రిగా, మరొకటి పల్లెటూరు వ్యక్తిగా ఇంకొకటి స్టూడెంట్ పాత్రలో చరణ్ నీ శంకర్ తనదైన శైలిలో చూపిస్తున్నట్లు సమాచారం. ప్రస్తుతం ఈ సినిమాకి సంబంధించి షూటింగ్ చాలా శరవేగంగా సాగుతోంది. వైజాగ్, మారేడిమిల్లి అడవులు అదేరీతిలో పంజాబ్ ఇంకా హైదరాబాద్ వంటి చోట్ల షూటింగ్ జరుపుకుంటు ఉంది. గతంలో మాదిరిగా కాకుండా శంకర్ ఈ సినిమాని చాలా త్వరగా కంప్లీట్ చేయాలని డిసైడ్ అయ్యారట. దేశంలో కరోనా కేసులు తగ్గిపోవటంతో.. పరిస్థితులు చాలా వరకూ సాధారణ స్థితికి రావడంతో.. ఉన్న టైంలో సినిమా త్వరగా కంప్లీట్ చేయటానికి సినిమా యూనిట్ రాత్రి పగలు కష్టపడుతున్నారట.
ఇదిలా ఉంటే ఈ సినిమాకి సంబంధించి స్టార్టింగ్ లో పోస్టర్ లు మధ్యలో షూటింగ్ జరుపుకుంటున్న లీక్ ఫోటోలు తప్ప ఇప్పటి వరకు మరో అప్డేట్ రాలేదు. దీంతో టైటిల్ ఏంటో అన్నదానిపై కూడా రకరకాల డిస్కషన్స్ బయట జరుగుతున్నాయి. అయితే తాజాగా తెలుగు, హిందీ అదేవిధంగా తమిళ భాషలకు చెందిన ఈ సినిమా టైటిల్ సోషల్ మీడియా లో వైరల్ అవుతున్నాయి. తెలుగులోకి వచ్చేసరికి సర్కారోడు, హిందీకి వచ్చేసరికి సర్కార్ వాలా, తమిళ్ భాష కి వస్తే సర్కార్ కరెన్.. అనే టైటిల్ పెట్టే ఆలోచనలో శంకర్ ఉన్నట్లు వార్తలు వినిపిస్తున్నాయి. త్వరలోనే ఈ సినిమాకి సంబంధించి టైటిల్ ప్రకటన ఉన్నట్లు ఇండస్ట్రీ వర్గాలు అంటున్నాయి.