Kalki 2898 AD: యంగ్ రెబల్ స్టార్ ప్రభాస్ సలార్ సినిమా విజయంతో ఫుల్ హ్యాపీగా ఉన్నారు. ఈ ఏడాదిలో రెండు సినిమాలు విడుదల చేయడం జరిగింది. ఆదిపురుష్, సలార్.. విడుదల చేయగా ఈ రెండిటిలో సలార్ అతిపెద్ద విజయం సాధించింది. ఈనెల 22వ తారీకు విడుదలైన ఈ సినిమా వారం రోజులు గడవకముందే ₹500 కోట్లు కలెక్ట్ చేయడం జరిగింది. ఇక జనవరి నెలలో “కల్కి 2898” సినిమాతో ప్రేక్షకుల ముందుకు రాబోతున్నారు. నాగ్ అశ్విన్ దర్శకత్వంలో ఈ సినిమా తెరకెక్కింది. సూపర్ హీరోస్ పవర్స్ నేపథ్యంలో స్పైడర్ మాన్.. తరహా సబ్జెక్టు కలిగిన సినిమా. ఈ సినిమాలో బాలీవుడ్ ఇండస్ట్రీ కి చెందిన నటీనటులు కూడా నటించారు. అమితాబచ్చన్, దీపికా పదుకొనే, దిశా పటాని ఇంకా పలువురు నటించారు.
ఇదిలా ఉంటే ఈ సినిమాకి సంబంధించి రేపు స్పెషల్ వీడియో విడుదల అయ్యే అవకాశం ఉన్నట్లు సోషల్ మీడియాలో ప్రచారం జరుగుతుంది. మేటర్ లోకి వెళ్తే ఈ సినిమా దర్శకుడు నాగ్ అశ్విన్ “కల్కి 2898” గురించి ముంబై ఐఐటీ బాంబేలో జరగనున్న టెక్ ఫెస్ట్ లో ప్రసంగించనున్నారట. రేపు మధ్యాహ్నం రెండు గంటలకు ఈ కార్యక్రమం జరగనుంది. దీంతో ఈ ఫెస్ట్ లో “కల్కి 2898” సినిమాకు సంబంధించి చిన్న మేకింగ్ వీడియో విడుదల చేసే అవకాశం ఉందని ప్రచారం జరుగుతుంది. సైన్స్ ఫిక్షన్ జోనర్ లో తెరకెక్కుతున్న ఈ చిత్రానికి.. హాలీవుడ్ ఇండస్ట్రీకి చెందిన కెమెరాలు వాడటం జరిగింది.
ప్రభాస్ కెరియర్ లోనే అత్యంత హై బడ్జెట్ తరహాలో “కల్కి 2898” షూటింగ్ జరుపుకుంది. దీంతో ఈ సినిమాపై భారీ అంచనాలు నెలకొన్నాయి. వైజయంతి మూవీస్ బ్యానర్ లో “కల్కి 2898” 50వ సినిమాగా చిత్రీకరణ జరుపుకుంటుంది. దీంతో నిర్మాత అశ్వినీ దత్ చాలా ప్రతిష్టాత్మకంగా ఈ సినిమాని తెరకెక్కించారు. జనవరి 24 సినిమా విడుదల తేదీ కావడంతో… జనవరి స్టార్టింగ్ నుండి సినిమా ప్రమోషన్స్ స్టార్ట్ చేసే ఆలోచనలో సినిమా యూనిట్ ఉంది.